web counter
LEXO PA REKLAMA!

SHKARKO APP

App Store
Google Play

E fundit!

x

Sezoni i ardhshëm e gjen me Reinën koleg, Strakosha: Do mundohem t’i vjedh ndonjë sekret

27 Gusht 2020, 18:25, Sport CNA

Tomas Strakosha po bëhet gati për të startuar sezonin e radhës me fanellën e Lacios, teksa tashmë është shndërruar në një pikë të fortë të skuadrës. Këtë sezon, gardiani shqiptar do të ketë pak më shumë konkurrencë në rolin e tij duke qenë se skuadra ka afruar një portier me shumë eksperiencë si Pepe Reina. Për këtë, nga grumbullimi me ekipin, Strakosha thekson se do të mundohet t?i vjedhë ndonjë sekret në stërvitje.

?Jam i lumtur të jem këtu në grumbullim në Auronzo, po punojmë shumë edhe pse është një situatë anormale prej koronavirusit dhe nuk mund të jemi pranë tifozëve. Çdo vit po shtojmë diçka më shumë, ka një sjellje shumë të mirë nga ana e të gjithë grupit me dëshirën e duhur për të punuar. Këtë vit në mbrojtje kemi pësuar më pak gola dhe kjo sepse tashmë njihemi me sy mbyllur. Para ndërprerjes kishim pësuar pak gola, më pak se të gjithë. Duhet të rinisemi prej aty, sepse mund të përmirësohemi. Këtë sezon do të debutoj edhe në Champions League duke realizuar ëndrrën që kisha që fëmijë. Nëse punon, atëherë mund të arrihet gjithçka.

Reina? Jam i lumtur që ka ardhur ai. Ka një eksperiencë të madhe dhe është një person pozitiv. Do të kërkoj t?i vjedh ndonjë sekret në stërvitje, është një nga më të fortët në botë. Do të më ndihmoj të përmirësohem. Edhe Peruci më ndihmon shpesh, duke më dhuruar këshilla dhe qetësi?, u shpreh Strakosha.





Lajmet e fundit nga