LEXO PA REKLAMA!

SHKARKO APP

Patozi nuk i kursehet Metës/ “Ka dalë jashtë shinave, nuk e fsheh dot që është kryetar i LSI”

10 Gusht 2020, 17:52, Politikë CNA
Patozi nuk i kursehet Metës/ “Ka dalë jashtë shinave, nuk e

?Nuk ka ndodhur ndonjë gjëmë e madhe më 30 korrik, sepse po të ndodhte do të kishte reaksion nga opozita jashtë Parlamentit, nuk do të iknin me pushime?.

Kështu deklaroi koordinatori i Bindjes Demokratike, Astrit Patozi, i cili pretendon se hapja e listave duhet të shoqërohej patjetër me korrektimin kombëtar dhe depolitizimin e komisioneve.

?Ndryshimet duhet të ishin iniciuar nga opozita dhe udhëheqësja e tyre, Partia Demokratike. Sipas meje, kjo e fundit e ka humbur shansin për të qenë lokomotivë e ndryshimeve, sepse ndryshimet nuk erdhën prej saj. Këto lëvizje erdhën për shkak të dy arsyeve: së pari një taktikë e Partisë Socialiste për të vënë në vështirësi kundërshtarin, e së dyti si pasojë e një presioni  i publikut që kërkonte ndryshime në politikbërjen shqiptare?, u shpreh ai në një prononcim për Report Tv.

Koordinatori i BD-së nuk kurseu presidentin Ilir Meta, për të cilin tha se po sillet si kryetar partie dhe është krejtësisht jashtë rolit të tij kushtetues.

?Presidenti i Republikës është krejtësisht jashtë rolit të tij kushtetues për sa i përket hapjes ose mbylljes së listave, sepse i takon të jetë mbi palët, i takon të jetë përfaqësues i unitetit të popullit. Presidenti sigurisht që ka dalë prej kohësh jashtë këtyre shinave dhe i lejon vetes të ndërhyjë edhe në çështje që janë ekskluzivitet i partive politike. Mesa duket Meta nuk e fsheh dot që është kryetar i një prej tre partive më të mëdha të vendit, i Lëvizjes Socialiste për Integrim dhe ky është problemi i tij?, theksoi Patozi./ CNA.al

Lajmet e fundit nga