LEXO PA REKLAMA!

SHKARKO APP

Kreshnik Spahiu i kthehet Metës: Emigrantët ikën prej fytyrave tuaja

10 Gusht 2020, 13:46, Politikë CNA
Kreshnik Spahiu i kthehet Metës: Emigrantët ikën prej fytyrave

Ish-kryetari i Aleancës Kuq e Zi, Kreshnik Spahiu i është përgjigjur Presidentit Ilir Meta pas ftesës së këtij të fundit ndaj emigrantëve shqiptarë.

Meta ftoi emigrantët të rikthehen dhe të marrin në dorë fatet e Shqipërisë, ndërsa Spahiu shkruan në një postim në rrjetet sociale se emigrantët ikën nga politikanët shqiptarë dhe jo nga klima e natyra.

Jo vetëm kaq, Spahiu zbulon se ai vet do të rikthehet në vend kur të ikin nga skena politike Edi, Luli, Monika e Meta.

“Presidenti Meta paska bërë thirrje që emigrantët të rikthehen dhe marrin në dorë fatet e Shqipërisë.

Ditën që do largohesh ti, Edi, Luli dhe Monika nga politika, do rikthehem jo vetëm unë që kam 4 vjet, por edhe arbëreshët që ikën pas vdekjes Skënderbeut 640 vjet më parë.

Emigrantët ikën nga këto fytyra, jo nga klima dhe natyra”,  shkruan Spahiu. /CNA.al

Lajmet e fundit nga