web counter
LEXO PA REKLAMA!

SHKARKO APP

App Store
Google Play

E fundit!

x

Mbyllja e lokaleve të natës/ Artistët protestojnë para kryeministrisë: Muzika nuk vret

20 Korrik 2020, 18:58, Aktualitet CNA

Një grup artistësh është mbledhur para godinës së kryeministrisë për të protestuar për aktin e fundit normativ, për mbylljen e lokaleve të natës. Në këtë grup, në të cilën ishin të pranishëm edhe këngëtarë të njohur, protestohej me sloganin ?Muzika nuk vret?.

Kujtojmë se duke nisur nga kjo e hënë,  20 korrik, qeveria ka vendosur të ashpërsojë masat për parandalimin e përhapjes së virusit të ri.

Në një deklaratë për mediet, ministrja e Shëndetësisë, Ogerta Manastirliu deklaroi se do të ndalohet hapja e  klubeve të natës, diskove, lounge bareve dhe çdo lloj shërbimi të kësaj natyre në mjedis të mbyllur apo të hapur, përveç restoranteve.

Më tej njoftoi se mosrespektimi i këtij detyrimi nga subjektet, dënohet me gjobë 3 000 000 lekë dhe me pezullim të aktivitetit për një periudhë një vjeçare.

Po ashtu do të ndalohet muzika pas orës 20:00 në të gjithë mjediset e shërbimeve të çfarëdolloji. Mosrespektimi i këtij detyrimi nga subjektet, dënohet me gjobë 1 000 000 lekë dhe në rast përsëritje, me pezullim te aktivitetit për një periudhë gjashtë mujore.

Ndaj këtyre masave ka reaguar Shoqata e Bareve, e cila ka kërkuar që qeveria të tërhiqet nga ky vendim. Shoqata është shprehur se nuk janë baret dhe clube-t burim infeksioni, por janë spitalet.

Në reagimin e tyre thuhet se qeveria mund të shtojë masat, pa mbyllur aktivitetet e bareve me ambiente të jashtme.

Ndër të tjera shoqata u ka bërë thirrje të gjithë individëve që operojnë në këtë sektor, të bashkohen në protestën që do të zhvillohet nesër para Kryeministrisë në orën 12.00.

Reagimi i plotë:

Pas lajmit të fundit nga Ministria e Shëndetësisë për mbylljen e aktivitetit të club-eve të natës, diskove dhe lounge bareve, Shoqata e Bareve i kërkon qeverisë të tërhiqet nga ky vendim absurd dhe me pasoja më të rënda se vetë Covid-19. Vatra e vërtet e Sars-Cov- 2 nuk janë baret dhe clube-t por spitalet Covid. Gjithashtu shoqata jonë i drejton qeverisë disa kërkesa:

1.Të shtohen masat distancuese, pa mbyllur aktivitetet e bareve me ambiente të jashtme.

2.Nuk ka prova që baret me ambiente të hapura të jenë vatër shpërndarje për virusin.

3.Të monitorohen masat individuale te klienteve pa penalizuar biznesin që është në kushte falimenti

4.Të mbështetet sektori i argëtimit.

5.Ne në sipërmarrjet tona kemi zbatuar me rigorozitet të lartë të gjitha udhëzimet e Ministrisë së Shëndetësisë përsa i përket masava kundër Covid-19. Secili të mbajë përgjegjësinë e tij.

Ndërkohë apelojmë të gjithë individët që operojnë në këtë sektor, të na bashkohen në protestën e nesërme që do të zhvillohet përpara Kryeministrisë në orën 12:00. /CNA.al





Lajmet e fundit nga