web counter
LEXO PA REKLAMA!

SHKARKO APP

App Store
Google Play

E fundit!

x

Fatmir Toçi shkruan nga spitali/ Pas 5 ditësh nuk munda më, uroj mos ta provoni Covid-19

17 Korrik 2020, 21:05, Aktualitet CNA

Ish-deputeti i PS-së, botuesi Fatmir Toçi tregon përjetimin që po kalon me sëmundjen Covid-19. Në rrjetet sociale ai shkruan se u detyrua prej përkeqësimit të shëndetit të kërkojë ndihmën e mjekëve. Gjithashtu, Toçi informon se në familjen e tij nuk ka asnjë tjetër të prekur dhe insiston që rastet e tij të kontaktit të kërkojnë tamponin.

“Dua të njoftoj miqtë e mi, të afërmit dhe të njohurit e shumtë se pas disa hamendjesh e dyshimesh për shkak të një gjendje dobësie shëndetësore vendosa të bëj provën e tamponit nëse kjo vinte nga prekja e sëmundjes së shekullit, Covid-19. Dhe rezultova pozitiv:

Pas kësaj, unë dhe familjarët e mi, edhe pse ata nuk rezultuan si unë të prekur, iu nënshtruam vetëkarantinimit, për të mbrojtur jetët tona dhe të të tjerëve, por dhe në zbatim të ligjit, transparencës e në emër të moralit qytetar. Sot, 5 ditë pas jetës në karantinë i izoluar në shtëpi, vendosa t?u drejtohem intitucioneve të specializuara të kujdesit shëndetësor për ta ndjekur gjendjen time shëndetësore, me besimin e plotë në kujdesin dhe aftësitë e tyre profesionale e humane.

U bëj thirrje të gjithë atyre njerëzve që puna, shoqëria apo rastësia i ka bërë të kontaktojnë me mua këtë javën e fundit, të shkojnë e të bëjnë me domosdo provën e tamponit, për t?u siguruar se janë negativ, për të mbrojtur veten, familjet e tyre, të afërmit dhe gjithë shoqërinë tonë! Duke besuar në mirëkuptimin dhe vlërësimin e këtij njoftimi jo të këndshëm, ju ftoj të bëni të gjitha përpjekjet për vlerësimin dhe zbatimin e masave me rreptësi dhe rigorozitet për t?u mbrojtur nga kjo flamë, sepse unë që po e provoj ju garantoj se nuk është thjesht një lojë dhe as ekzagjerim i situatës, siç thuhet jo rrallë me mendjelehtësi të çuditshme dhe naive. Lutem për ju të gjithë, miqtë e mi, që të mos ta provoni këtë situatë, por çdo gjë varet nga secili prej jush!”, shkruan Toçi. /CNA.al

 





Lajmet e fundit nga