web counter
LEXO PA REKLAMA!

SHKARKO APP

App Store
Google Play

Pasojat e Covid-19 në ekonomi/ Sejko: Parashikohet rënie e prodhimit kombëtar në -6%

7 Korrik 2020, 19:09, Ekonomi CNA

Banka e Shqipërisë vlerëson se goditjet nga pandemia Covid-19 në ekonomi do të jenë të forta këtë vit. I ftuar në emisionin Përballë të gazetarit Lutfi Dervishi,

Guvernatori i Bankës së Shqipërisë, Gent Sejko, ka qënë i ftuar mbrëmjen e sotme në emisionin ?Përballë? ku tha se si pasojë e goditjes nga pandemia, parashikimet aktuale flasin për një rënie -6% të prodhimit kombëtar në fund të 2020.

? Parashikimi i Bankës së Shqipërisë për rënien ekonomike gjatë 2020 është në nivelin -6%, pra parashikimi i këtij viti është që ekonomia shqiptare do të ketë këtë rënie aktualisht pasi shifrat rishikohen. Po për momentin ne jemi në nivelin 6% rënie ekonomike në 2020 dhe për një ringritje të shpejtë në vitin 2021.  Ky është parashikimi në formën e V që ne kemi si bankë qëndrore.

Dhe në skenarin më të keq, sistemi bankar do ta përballonte me sukses krizën. Pra, situata aktuale garanton që sistemi bankar të jetë i shëndetshëm. Por duhet të jemi të qartë, kjo nuk duhet të na bëjë të mendojmë që të gjithë faturën e krizës t?ia faturojmë sektorit bankar. Duhet të jetë proporcionalisht e shpërndarë mes sektorit publik, sektorit bankar, sektorit privat dhe individëve qytetarë. Sektori bankar ka marrë risk mjaftueshëm. Besoj me masat e marra nga sektori dhe nga ne si bankë qëndrore shtyrja për dy tremujorë të kredive, me bashkërendimin e veprimeve për kreditim në raport me paketat e qeverisë. Sektori bankar ka ristrukturuar, pra ka shtyrë rreth 2 mld euro në 25000 mijë raste këste kredish, pra ka ngrirë kreditë për një 6 mujor. Po punon për ristrukturime të kredive dhe të gjithë portofoleve të bizneseve dhe njëkohësisht ka kredituar një numër të konsiderueshëm biznesesh për paketat e qeverisë.?  theksoi ai./CNA.al





Lajmet e fundit nga