QSHA sapo njoftoi që testi i maturës ishte lojë

16 Qershor 2020, 14:09, Opinione CNA

QSHA sapo shpërndau një njoftim po aq idiot sa edhe 30% e pyetjeve të testit të maturës.
Është e mjerë teza mbrojtese që janë gjetur shoqet e shoqes Besa të QSHA, për të justifikuar fjalitë dhe pyetjet idiote të testit.

Domethënë teza paska qenë e bërë gabim qëllimisht! Kështu njoftoi ZYRTARISHT QSHA.
Edhe hajde e mos i quaj të liga ato……. e QSHA.
Është po aq interesant shpjegimi që QSHA ka dhënë e në të cilin midis të tjerash na shpjegojnë se maturantët qenkeshin trajnuar më parë për këtë lloj testi (me gabime?) edhe kur atyre ju shpërnda testi provë.

Ndaj ne u bëmë kurioz dhe kërkuam të dinim se cila ish përmbajtja e testit provë.
Dhe gjetëm vërtet shumë të dhëna interesante edhe nga ai test.
Në testin provë përshëmbull, njëra nga pyetjet kishte të bënte me një vepër të Kamysë.
Teksti flet për një personazh, Çelestën, i cili në vepër përshkruhet si një burrë barkderr.
Por nëse shikon alternativat e pyetjeve të vëna për maturantët tek testi provë, opsioni për Çelestën ju ofrohet maturanteve si personazh femër.

Tani kjo mund të rihapë nga fillimi të gjithë analizën që ne kemi bërë për personazhin Turi.
Meqë në testin provë, Çelesta që në veper ishte burrë dhe në alterantivat e pyetjeve dilte si grua, a jemi të sigurt që personazhit të famshëm Turi, duhet t?i vazhdojme t?i referohemi si “ai”? Po sikur Turi të ketë qenë femër? Çfarë analizë duhet të bënim ne për kërcimet e pakontrolluara të Turit andej e këtej barkës? Po euforia e Turit çfare ishte? Turi ishte mashkull euforik, apo thjesht një femër e eksituar nga shkëmbi që po i shfaqej (atij dhe jo të tjerëve)? Turi-a pa vërtet një shkemb apo ishte nën avujt e ndonjë substance dhe kërceu kot përpjetë duke rrezikuar të tjerët?
Mbase këtu ka qenë çelësi i zgjidhjes se testit të maturës!

Domethënë maturanetët çfarëdo që të lexonin, nuk duhet ta besonin.
Ata duhet sipas një sistemi të çartur, në vend që të gërmonin xhepat e trurit për dijet që kishin rrasur aty brenda gjatë 3 viteve sa i takon lëndëve gjuhë-letërsi, duhet të konsideronin veten dhe të pozicionoheshin psikologjikisht në rolin e hartuesve të testit.

Për ta arritur këtë duhet të identifikoheshin fillimish me individin mashtrues, të futeshin në lekurën e mashtruesit që kishte hartuar tezat dhe pastaj të mendonin e arsyetonin si mashtruesa, për të gjetur si të tillë versionin e saktë të përgjigjësë. Testi me sa duket nuk qenka as ai që u tha në fillimim që ishte një test inteligjent që synonte të maste nivelin e IQ të maturantëve. Testi i gjuhë letërsisë paska qenë testi i mashtreuesit, si kursi që duhet të ndjekësh në sistemin arsimor të rilindjes për të marrë notën 10. Dhe në këto kohë për të marrë 10 duhet të jesh mashtrues klasi.
Ndryshe nuk mund të gjesh opsionin e saktë. Mashtrimi i kthyer me sistem. Ky është mesa duket çelësi i suksesit në shkollën e realizmit të ri rilindas. Një kurs të cilin maturantët nuk e paguajnë me lekë, e paguajnë me djersën e derdhur kot gjatë 3 viteve ndërsa kanë besuar se dija është drejtësi.

Të dashur maturante!
Shoqet e shoqes Besa sapo njoftuam që testi i maturës ishte loja që u luajt në kurrizin tuaj.
Do ta paguani, apo do ua bëni tua paguajnë?/CNA.al