web counter
LEXO PA REKLAMA!

SHKARKO APP

App Store
Google Play

E fundit!

x

Shoqja Besa, çfarë note merr ti në gjuhë-letërsi shqipe?

12 Qershor 2020, 18:44, Opinione CNA

Maturantët janë në protestë prej ditës së djeshme.

Ne fakt ky nuk është viti i parë që tezat e provimeve të maturës, sidomos ato të letërsisë, kanë gabime trashanike, pyetje absurde ose që kanë më shumë se një përgjigje të vlefshme.
Të hartuara me stil skuthësh, si shumica e rradhëve rilindase, duket se këtë vit e kanë kaluar cakun e të konsideruarit të durueshme.

Edhe vjet i njëjti fenomen u zhvillua identik sidomos në provimin e letërsisë.
Me pyetje të tipit: “Ccfarë do të mendonit nëse shikoni një personi që rri shtrirë në mes të rrugës” hartuesit e ligë të tezës, kërkojne të testojnë gjithccka tjetër përveç logjikes dhe dijeve të maturantëve.
T?i kërkosh shoqes Besa që të verifikojë ajo vetë cilësinë e pyetjeve të provimeve të maturës dikush do të thoshtë që është tepri. E kjo është e vërtetë nëse ne do të pretendonim që ta kërkonim këtë për tezën e matematikës, fizikës, apo lëndëve të tjera me zgjedhje.

Por shoqja Besa mbase mund të provojë të paktën të kuptoje atë çfarë shkruan teza e gjuhë-letërsisë.
Ne nuk e dime se sa dhe si e ka mësuar shqipen shoqja Besa dhe kur themi mësuar, nuk kemi parasysh faktin që duket sikur e flet. Analiza jonë kërkon të dimë se sa kupton shoqja Besa kur studentët flasin dhe artikulojnë shqip kërkesat e tyre. Ata nuk u ankuan që provimi ishte i vështirë. U ankuan sepse provimi ishte tinzar. Me pyetje të shkruara jangllesh me stilin e futjes në kurth të maturantit dhe jo të vlerësimit të dijeve.
Ky stil hartimi tezash për provimet e maturës është kthyer në trend të paktën qe prej ditës që shoqja Besa ka hyrë në atë zyrë.

Nese dikush shikon dikë të shtrirë në mes të rrugës, opsioni i parë që mund t?i shkojë dikujt në mend është që ai ka vdekur, i dyti që është i sëmure, i treti që është i pirë, i katërti që mund ta ketë shtypur makina, i pesti që mundet që rri shtrirë se i do qejfi, por askujt nuk mund t?i shkoje në mend që të shkruajë si opsion të saktë versionin “ka rënë nga kozmosi”.

Këtë version mund ta shkruajnë vetëm ata qe dinë paraprakisht se ccfare duhet të shkruajnë.
Kjo po ndodh prej të pakten 3 vitesh me tezat e provimeve të maturës.
Dhe nuk mund të jetë rastësi që shoqja Besa fryhet nga zyra, duke shpërfillur dhe tallur maturantët.
Fundja ccfarë e lidh shoqen Besa me ta!? Ajo është thjesht një përzgjedhje banale, ekstrapolitike dhe si e këtille edhe e palogjikshme e Kryeministrit.
Ajo është në atë zyrë njësoj si pyetjet e tezave të provimit të maturës. Nje kontur cinik, skuth dhe tinzar njesoj si pyetjet e gjuhë-letërsisë.

Ndaj të dashur maturantë, mos ja shkruani shumë të gjata fjalitë e kërkesave që keni shoqes Besa.
Ajo as vete nuk e di se ccfare note mund të marrë në një provim me pyetje me alternativa në gjuhë-letërsi shqipe.
Ajo shprehja nervoze “a ha shqip ti”, duket ka qenë shpikur per midelin Besa.
Shoqja Besa nuk ha shqip!/CNA.al





Lajmet e fundit nga