"Rama s'është më kryeministri i vendit"/ Marku pranon sfidën: Gangsterit do i përgjigjemi në të njejtën mënyrë

17 Maj 2020, 10:47, Politikë CNA

Pedagogu Mark Marku e cilëson si sfidë nga kryeministri Edi Rama shembjen e godinës së Teatrit Kombëtar në orët e para të mëngjesit.

Marku tha se Rama përfitoi nga errësira, nga karantina dhe nga gjumi i qytetarëve për të zbritur në mes të Tiranës dhe për të realizuar ëndrrën, që sipas tij është vendosja e shtetit diktatorial të mafias.

Sipas tij, kryeministri i ka shembur të gjitha iluzionet e një gjysme demokracie, i ka shqyer të gjitha maskat e një pseudoshteti ligjor, i ka lënë mënjanë të gjithë skrupujt dhe ka hequr edhe iluzionin e fundit të atij që thoshte se kryeministri mund të tërhiqej nga projektet mafioze.

Pedagogu deklaron se Rama nuk është më kryeministri i shqiptarëve, ndërsa thekson se e pranon sfidën që ka shpallur ky i fundit.

“Tashmë ai nuk është më kryeministri i vendit, nuk është në kryetari i PS-së, nuk është më politikani, është thjeshtë gangsteri i zbritur në shesh që zgërdhihet përballë artistëve dhe aktivistëve të rezistencës heroike për mbrojtjen e teatrit, përballë kritikëve, qytetarëve të irrituar, opozitës, presidentit të Republikës, drejtësisë, ambasadave të huaja dhe thotë po unë mundem: unë e shemb teatrin dhe shtetin ligjor, unë e kthej në rrënoja demokracinë shqiptare, unë ju rrah, ju fus në burg, ju heq të drejtat, bëj c?të më dojë qejfi. Po ju a mundeni?

Cosa Nostra ka dalë në rrugë edhe pse Europa nostra është e trishtuar. Këtu tashmë gjithçka është e qartë. Problemi është nëse do t?i përgjigjemi sfidës së tij apo do të nënshtrohemi. Në këtë kuptim ai i ka bërë të qarta rregullat e tij. Shoqëria, opozita, grupet e ndryshme duhet t?i ndryshojnë edhe ata rregullat e lojës. Duhet të përgjigjen me të njëjtën mënyrë. Gjithçka tjetër është nënshtrim.

Tani nuk ka më politikë. Tani duhet krijuar fronti i përbashkët i rezistencës qytetare. Me të gjithë ata që ndjehen të kërcënuar nga shtetit gangster. Fronti i qëndresës qytetare duhet zgjeruar me të gjithë ata që duan t?i përgjigjen sfidës së shtetit gangster, që e pranojnë sfidën e tij. Edi Rama na i ka sqaruar gjërat, për sot e për nesër, përgjithmonë. Ose rezistojmë ose nënshtrohemi. Sot është vonë, nesër do të jetë edhe më vonë, pasnesër?. Unë për vete e pranoj sfidën?, shkruan Marku./ CNA.al