web counter
LEXO PA REKLAMA!

SHKARKO APP

App Store
Google Play

E fundit!

x

"S'kanë qenë kurrë të ndarë"/ Murrizi: Krerët e politikës në ujdi që prej vitit 1993

2 Maj 2020, 16:17, Politikë CNA

Deputeti Myslim Murrizi ka sulmuar krerët e partive politike në vendin tonë, për të cilët thotë se janë në një ortakëri që prej vitit 1993.

Sipas tij, ata janë në një ujdi politike dhe të fundit cilëson atë të vitit 2013.

“Kurrë nuk kanë qenë veç dhe siç iu paraqiten shqiptarëve, sikur luftojnë njëri-tjetrin, por ka qenë bashkë prej 1993. Nuk është prishur ujdia prej atij viti. Ortakëria e fundit është ai i 2013, i aleancës së prillit, ajo e ngjalave. Në prill 2020, Meta shkon sërish në prehërin e Ramës. Kemi bërë nëntë Reforma Zgjedhore, më e poshtra ishte e 2008, që u kthyem si në kohën e komunizmit”, u shpreh ai në emisionin “Kjo Javë”.

Teksa u pyet nga gazetarja Nisida Tufa se përse i mbështeti presidenti Ilir Meta ndryshimet në Kodin Penal, deputeti tha se kjo ndodhi pasi pretendon se ata bashkëpunojnë.

“Po se nuk janë ndarë kurrë. Si ta besoj që Meta është prishur me Ramën, kur manifestimi i 2 marsit ishte autogol i Bashës. Metën e zgjodhën President këta që janë sot në pushtet. Tani thonë se do therin si dashë bajrami, besoj do e therin para bajramit, këtë Dvoranin”, tha Murrizi./ CNA.al





Lajmet e fundit nga