LEXO PA REKLAMA!

SHKARKO APP

E akuzuan si zyrtarin që takoi Çilin për favore të paligjshme/ Sadushi i përgjigjet PD

3 Mars 2020, 19:53, Politikë CNA
E akuzuan si zyrtarin që takoi Çilin për favore të

Vetëm pak pasi Partia Demokratike ngriti aludimet se në takim me pronarin e UET, Henri Çili, ka qenë kandidati për anëtar të Gjykatës së Lartë, Sokol Sadushi, ka ardhur reagimi i këtij të fundit.

Sadushi mohon se është ai drejtuesi i organit të lartë të drejtësisë, që i ka premtuar Çilit favore të paligjshme për dosjen e vëllezërve Aliko të bandës së Lazaratit.

Kreu i Shkollës së Magjistraturës pretendon se nuk ka pasur komunikim prej shumë kohësh me pronarin e UET-it dhe se nuk ka lidhje me këtë çështje, për të cilën e akuzon opozita.

?Deklaroj me përgjegjësinë time të plotë se, me Z. Henri Çili prej shumë kohësh nuk kam pasur asnjë komunikim të drejtpërdrejtë apo të tërthortë, në ambiente publike apo private, për asnjë çështje, përfshirë ato që implikojnë personalitetin tim dhe, për më tepër, që lidhen me çështje gjyqësore penale.
Çdo deklarim i bërë ndaj personit tim mbi këtë ngjarje nuk përputhet me të vërtetën, sikurse jam i bindur se do të rezultojë në përfundim të procesit penal.
Në rrethana të tilla, kur çështja dukshëm është me interes publik, sugjeroj se nëse është i vërtetë fakti mbi takimin e realizuar me ?një funksionar të lartë të drejtësisë?, do të ishte me vend që organi i prokurorisë të sqarojë opinionin publik mbi detajet e këtij takimi.
Informimi i opinionit publik i shërben, gjithashtu, ruajtjes dhe forcimit të autoritetit të pushtetit gjyqësor dhe forcon klimën e besimit në organet që ushtrojnë ndjekjen penale?, deklaron Sadushi./ CNA.al

Takimi i zyrtarit të drejtësisë me Henri Çilin/ PD i kërkon shpjegime Sokol Sadushit: Është koha të flasësh

Lajmet e fundit nga