web counter
LEXO PA REKLAMA!

SHKARKO APP

App Store
Google Play

Policia jep detaje/ Dyshohet se 30 vjeçarja u hodh vetë nga ballkoni i lokalit në Korçë

23 Shkurt 2020, 16:16, Kronika CNA

Policia jep njoftimin zyrtar për 30-vjeçaren që ra pasditen e sotme nga kati i 6 i një pallati në Korçë.

Blutë bëjnë me dije se e reja ka qenë në ambientet e lokalit që ndodhej në katin e gjashtë dhe dyshohet se është vetëhedhur nga ballkoni.

Nga informacionet paraprake, ende nuk dihen rrethanat e plota të ngjarjes dhe shkaqet që kanë dërguar të renë drejt vetëflijimit.

Raportohet se ajo është dërguar me urgjencë në spital, ku është në gjendje të rëndë shëndetësore.

?Më datë 23.02.2020, në lagjen nr. 3, një shtetase rreth 30 vjeçe, pasi ka hyrë në ambientet e një lokali, ka dalë në ballkonin e tij në katin e gjashtë dhe dyshohet se është vetëhedhur, ku për pasojë ka rënë në katin e dytë të kësaj ndërtese.

Kjo shtetase u transportua në Spitalin e Korçës ku ndodhet nën kujdesin e mjekëve, ndërsa grupi hetimor po punon për sqarimin e plotë të rrethanave të ngjarjes?, thuhet në reagimin e policisë.

Ndërkohë, policia ndodhet në vendngjarje dhe ka hapur hetimet për zbardhjen e plotë të saj./ CNA.al





Lajmet e fundit nga