web counter
LEXO PA REKLAMA!

SHKARKO APP

App Store
Google Play

Shpejtësi, alkool, manovra të rrezikshme në rrugë/ Pezullohen 22 patenta, 2 shoferë në pranga

23 Shkurt 2020, 07:20, Kronika CNA

Edhe këtë fundjave kanë vijuar kontrollet parandaluese me shërbime të shtuara, me radar dhe drager në të gjitha rrugët urbane dhe interurbane me rrisk për ngjarje rrugore.

Nga konstatimet, evidentohen akoma drejtues mjetesh që abuzojnë me shpejtësinë, duke rrezikuar veten dhe të tjerët, me shpejtësi që variojnë nga 141 km/h – 175 km/h, e mjaftueshme për të shkaktuar tragjedi në rrugë, në rast aksidenti rrugore.

Sipas policisë, nga verifikimet në terren, deri në këto momente janë pezulluar 16 leje drejtimi për shpejtësi mbi normat e lejuara, 6 të tjera për drejtim mjeti nën efektin e alkoolit si dhe 2 drejtues mjetesh të arrestuar në kushtet e flagrancës për drejtim mjeti në gjendje të dehur.

?Ndërkohë kontrollet po vijojnë në zona dhe rrugë të ndryshme të kryeqytetit, me qëllim parandalimin e ngjarjeve rrugore dhe rritjen e sigurisë në rrugë, me efektive të uniformuar dhe civile duke përdorur të gjitha pajisjet speciale të nevojshme në funksion të dokumentimit dhe verifikimit të shkeljeve të rregullave të qarkullimit rrugore që bëhen shkak për ngjarje rrugore?, thuhet në njoftimin e policsë./CNA.al

 





Lajmet e fundit nga