web counter
LEXO PA REKLAMA!

SHKARKO APP

App Store
Google Play

E fundit!

x

Fotografimi i “vrimës së zezë”/ Arritja më e madhe shkencore e 2019

21 Dhjetor 2019, 09:51, Blog CNA

Imazhi i parë i një vrimë të zezë i kapur nga Event Horizon Telescope (EIT), ka qenë arritja më e rëndësishme shkencore e këtij viti, sipas revistës kryesore shkencore Science.

Vrima e madhe e zezë e fotografuar gjendet e vendosur në qendër të galaktikës Messier 87 (M87) dhe është gati 55 milion vite dritë nga Toka.

?Ajo që ne shohim është më e madhe sesa madhësia e gjithë sistemit tonë diellor?, tha studiesi që propozoi eksperimentin, Prof. Heino Falcke.

Ky imazh ikonik është bërë viral botërisht, duke mahnitur kureshtjen dhe imagjinatën e miliona njerëzve në të gjithë globin. Pamjet e vrimës së zezë janë tashmë më të fotografuarat në historinë e Fondacionit Kombëtar të Shkencave në SHBA.

Imazhi tregon një ?unazë zjarri? intensivisht të ndritshme, siç e përshkruan Prof. Falcke, duke rrethuar një vrimë të errët rrethore. Rrethorja e ndritshme është shkaktuar nga gazi i mbinxehur që bie në vrimë. Drita është më e ndritshme se të gjitha miliarda yjet e tjerë në galaktikë të marra së bashku , prandaj mund të shihet në një distancë të tillë nga Toka. Vrima e zezë në vetvete nuk ka ngjyrë, por substancat e gazta që e përrethojnë, i ndryshojnë ngjyrën për shkak të nxehtësisë.

“Kjo ka qenë një arritje me të vërtetë mbresëlënëse e teknologjisë”, ka shkruar gazetarja e revistës “Sciencë”.

Siç thekson ajo, dikur ishte menduar e paimagjinueshme të fotografosh një vrimë të zezë, pasi vetëm shkencëtarët ishin në gjendje vetëm ta merrnin me mend praninë e saj përmes efekteve që shkaktonte në mjedisin përreth./Përshtati nga Kathimerini.gr CNA.al





Lajmet e fundit nga