web counter
LEXO PA REKLAMA!

SHKARKO APP

App Store
Google Play

Betohen në Presidencë tetë anëtarët e SPAK

19 Dhjetor 2019, 09:02, Vetingu CNA

Ka përfunduar betimi në Presidencë i tetë prokurorëve të parë, të Prokurorisë së Posaçme kundër Korrupsionit dhe Krimit të Organizuar, përkatësisht Elida Kaçkini, Enkeleda Millonaj, Edvin Kondili, Behar Dibra, Arben Kraja, Klodian Braho, Ened Nakuçi dhe Altin Dumani.

Pas ekzekutimit të himnit kombëtar dhe leximit të vendimeve të Këshillit të Lartë të Prokurorisë, duke vendosur dorën mbi Kushtetutën e Shqipërisë, prokurorët u betuan para Presidentit Meta: ?Betohem solemnisht se gjatë kryerjes së detyrës do t?i qëndroj kurdoherë besnik Kushtetutës së Republikës të Shqipërisë, ligjeve në fuqi dhe do të respektoj rregullat e etikës profesionale!?

Presidenti i Republikës u uroi suksese dhe punë të mbarë prokurorëve të Prokurorisë së Posaçme kundër Korrupsionit dhe Krimit të Organizuar.

Në ceremoni e betimit ishin të pranishëm edhe Kryetari i Kuvendit Gramoz Ruçi, Avokati i Popullit Erinda Ballanca, Anëtarja e Gjykatës Kushtetues Vitore Tusha, Kryetarja e Këshillit të Lartë Gjyqësor Naureda Llagami, Kryetari i Këshillit të Lartë të Prokurorisë, Gent Ibrahimi, Ambasadori i Delegacionit të Bashkimit Europian, Luigi Soreca, përfaqësues të Ambasadës së Shteteve të Bashkuara të Amerikës, të OPDAT-it, misionit EURALIUS V dhe anëtarët e KLP-së.

Ndërkohë, rreth 13:30, pritet që të mblidhet Këshilli i Lartë I Prokurorisë, ku do të zbulohet edhe emri i prokurorit që do të jetë drejtuesi i SPAK.

Kujtojmë këtu se në garë për të marrë drejtimin e SPAK, janë prokurorët Altin Dumani, Edvin Kondilli dhe Arben Kraja./ CNA.al

Ngritja e SPAK drejt finalizimit/ Sot betimi i anëtarëve te Presidenti





Lajmet e fundit nga