web counter
LEXO PA REKLAMA!

SHKARKO APP

App Store
Google Play

Ambasada e SHBA përshëndet ngritjen e SPAK/ Merr fund pandëshkueshmëria, drejtësi për shqiptarët

19 Dhjetor 2019, 09:10, Vetingu CNA

Ambasada e SHBA në Tiranë ka përgëzuar tetë prokurorët e SPAK, të cilët bënë betimin sot në Presidencë.

Në një mesazh në faqen zyrtare, Ambasada e SHBA shkruan se kjo shënon një hap të rëndësishëm në themelimin e Strukturës së Posaçme Anti-Korrupsion dhe Krim i Organizuar.

Ambasada e SHBA, ndër të tjera thekson se SPAK do ti japë fund pandëshkueshmërisë dhe më në fund do të sjellë drejtësi për shqiptarët.

?Shtetet e Bashkuara përgëzojnë tetë prokurorët të cilët u betuan këtë mëngjes si anëtarët e parë të Zyrës së Prokurorisë së Posaçme, duke shënuar një hap të rëndësishëm në themelimin e Strukturës së Posaçme Anti-Korrupsion dhe Krim i Organizuar (SPAK).

Nga dita e sotme, Shqipëria ka një organ prokurorësh të angazhuar për të identifikuar, hetuar dhe vënë përpara drejtësisë zyrtarë të kaluar apo aktualë dhe bosë të krimit ? individë që në kohët e vjetra janë konsideruar si të paprekshëm.

Ndërsa Shqipëria nis një fazë të re të zhvillimit të saj demokratik dhe ligjor, Shtetet e Bashkuara do të mbeten një partner i palëkundur në mbështetje të SPAK dhe të të gjithë atyre që kërkojnë ti japin fund pandëshkueshmërisë dhe të sjellin drejtësi për popullin shqiptar.?-thuhet në mesazhin e ambasadës së SHBA./ CNA.al





Lajmet e fundit nga