web counter
LEXO PA REKLAMA!

SHKARKO APP

App Store
Google Play

Ish-ministri i përvishet Ramës/ Të dalë një gjykatës e ta ndalojë menjëherë

2 Dhjetor 2019, 09:23, Politikë CNA

Ish-ministri i Drejtësisë në qeverinë ?Rama 1?, Ylli Manjani ka reaguar ashpër në lidhje me sulmet që kreu i qeverisë, bën në drejtim të mediave.

Në një postim në rrjetet sociale, Manjani shkruan se kërcënimi ndaj medias në tërësi, përse nuk e vendos kameran “në këndin e duhur”, përbën në vetvete ndërhyrje të dhunshme në të drejtën për t’u informuar dhe shkel qartë lirinë për t’u shprehur.

?Siç provoi qartësisht cilësinë e ndërtimeve në vend (ndau cilësinë e mirë nga e keqja), kjo fatkeqsi e natyrës nxori në dritë të diellit armiqësinë e njeriut që qeveris me lirinë e mendimit dhe të shprehjes.

E kam provuar dhe më parë urrejtjen patologjike të Tij me mendimin dhe fjalën e lirë. Por këto ditë ai e demonstroi hapur dhe me energji të krahasueshme me atë sizmiken që bëri hatanë.

Pa asnjë dyshim vajza që mbahet e arrestuar është e burgosur politike. Portali JOQ u mbyll për motive politike.

Kërcënimi ndaj medias në tërësi, përse nuk e vendos kameran “në këndin e duhur”, përbën në vetvete ndërhyrje të dhunshme në të drejtën për t’u informuar dhe shkel qartë lirinë për t’u shprehur.

Ndërhyrjet e qeverisë në këto liri e të drejta themelore janë joproporcionale, jo ligjore dhe tërësisht të pa nevojshme për shoqërinë demokratike. (Këto janë kriteret me të cilat gjykon Gjykata e Strasburg).?-shkruan Manjani.

Më tej, ai bën thirrje që nëse ka ndonjë gjykatës që nuk i shërben qeverisë, duhet të ngrihet dhe ta ndalojë atë.

?Si Kushtetuta e Republikës ashtu edhe Konventa Europiane e të Drejtave të Njeriut e dënojnë këtë sjellje të qeverisë. Pa asnjë mëdyshje!

Në ka mbetur ende ndonjë gjykatës që i shërben Republikës, duhet menjëherë ta ndalojë këtë shkelje të rëndë.

E meqë është mbledhur dhe Këshilli i Sigurisë Kombëtare, duhet ta diskutojë këtë gjë sepse kombi është tërësisht i pasigurtë kur qeveria ndalon mendimin dhe shprehjen e lirë të qytetarëve.?-shkruan Manjani./CNA.al





Lajmet e fundit nga