6000 pallate e banesa dhe 9000 banorë të dëmtuar nga tërmeti/ Publikohen shifrat zyrtare

1 Dhjetor 2019, 20:53, Politikë CNA

Dëmet e lëna pas nga tërmeti katastrofik i 26 nëntorit janë tepër të mëdha, ku nga të dhënat paraprake afro 900 pallate dhe mbi 5100 banesa kanë mbetur të dëmtuara.

Po ashtu, mësohet se numri i qytetarëve të prekur arrin në rreth 9 mijë, ndërsa dhjetra shkolla në Tiranë, Durrës, Lezhë e Elbasan kërkojnë ndërhyrje përpara se të rinisë mësimi.

Referuar situatës së rënduar në vend, Presidenti Ilir Meta njoftoi se do të thërrasë nesër mbledhjen e Këshillit të Sigurisë kombëtare, duke shtuar se orari do të përcaktohet në varësi të situates.

Pavarësisht se goditja më e rëndë e tërmetit ishte në zonën e Durrësit, Thumanës e Tiranës, lëkundjet ee fuqishme kanë prekur edhe qytete të tjera të vendit. Ndërsa në terren vijon vlerësimi i dëmeve, nga të dhënat zyrtare të bëra publike mëngjesin të sotëm, bëhet me dije se, nga rreth 640 pallate dhe 4 mijë banesa janë të dëmtuara, 371 pallate dhe afro 2500 banesa janë të dëmtuara rëndë.

Nga verifikimet në qytetin e Durrësit për momentin rezultojnë 185 pallate dhe afro 7300 banesa të dëmtuara, nga të cilat 38 pallate dje 620 banesa të prekura rëndë.

Pjesë e ekipit të verifikimit të dëmeve janë edhe grupe ekspertësh të huaj të thirrur nga qeveria, ndërkaq ka nisur heqja e inerteve nga godinat që janë shembur komplet nga tërmeti.

Deri më tani rezultojnë të jenë afër 9 mijë qytetarët e prekur nga tërmeti. Mbi 2300 janë sistemuar nëpër hotelet me të cilat qeveria ka bërë marrëveshje, ndërsa mbi 4800 të tjerë janë strehuar pranë të afërmve të tyre. Mbi 900 banorë janë ende në çadrat e ngritura nga autoritetet në disa lokalitete ndërsa mbi 800 kanë zgjedhur qendrat sociale.

Dëmet kanë prekur dhe shkollat, ku sipas asaj që referoi sot në mbledhjen e qeverisë, ministrja e Arsimit Besa Shahini janë 52 të tilla në Tiranë, Durrës, Elbasan e Lezhë, ku është e nevojshme që të ndërhyhet, përpara se aty të lejohet rifillimi i mësimit. Më vonë ministrja njoftoi se pezullimi i mësimit do vijojë edhe disa ditë në qytetet e prekura: ?Në Qarkun Durrës, bashkitë, Durrës, SHijak e Krujë, mësimi mbetet i pezulluar deri më datë 9 Dhjetor. Në Qarkun Tiranë që përfshin bashkitë Tiranë, Vorë, Kamëz, Kavajë dhe RRogozhinë, si dhe në Qarkun Lezhe që përfshin bashkitë, Lezhë, Kurbin dhe Mirditë, mësimi do jetë i pezulluar deri më datë 5 dhetor, por ruajmë mundësinë për ta shtyrë dhe disa ditë të tjera në rast se nuk garantohemi se janë në gjendje të sigurtë strukturore?

Ndërkaq në mbledhjen e mëngjesit, por edhe atë me Komitetin Kombëtar të Rindërtimit, kryeministri Rama ripërsëriti ftesën për opozitën që të ulen se bashku për të dhënë një sinjal bashkimi e qetësie ndaj qytetarëve.

?Unë nuk e kuptoj ç?domethënë që të ulen në tryezë e gjithë përfaqësia e njerëzve të zgjedhur të këtij vendi qenka propagande. Propagandë është të lësh njerëzit në pasiguri, kur ke mundësi të bësh më shumë dhe ndërkohë flet për gjëra që u takojnë të tjerëve, u takojnë njerëzve që janë në terren?, u shpreh Rama gjatë mbledhjes së qeverisë.

Mirëpo, përmes një prononcimi për mediat një ditë më parë kryedemokrati Basha do të theksonte se:?Tani nuk është koha as për politikë, as për propagandë. Gjëja e vetme me të cilën po merremi ne, është të jemi afër njerëzve dhe kjo është ajo që duhet të bëjë çdokush tjetër?./CNA.al