LEXO PA REKLAMA!

SHKARKO APP

Shtrëngohet “laku” për Lulzim Bashën/ Ja sa vite burg rrezikon kreu i PD-së

8 Nëntor 2019, 14:18, Politikë CNA
Shtrëngohet “laku” për Lulzim Bashën/ Ja sa vite burg

Tashmë Prokuroria e Tiranës ka mbyllur hetimet në lidhje me çështjen lobimeve të kreut të PD-së, Lulzim Basha në SHBA, në prag të zgjedhjeve të vitit 2017.

Në përfundim të hetimeve, prokuroria e Tiranës ka vendosur marrjen si të pandehur të Lulzim Bashës, për çështjen e lobimeve.

?I pandehuri: Lulzim Basha, i biri i Xhelal dhe i Remzije, i ditëlindjes 12.06.1974, lindur dhe banues në Tiranë, pallati afër ish-Hotel Sheraton, me gjendje civile i martuar, me shtetësi shqiptare, me gjendje gjyqësore i pandehur, hetuar pa masë sigurimi, mbrojtur nga avokat Ivi Kaso, me numër license 3180. Akuzuar se ka kryer veprën penale të ?Falsifikimi i vulave, i stampava ose i formularëve? dhe të ?Pastrimit të produkteve të veprës penale ose veprimtarisë kriminale?, të parashikuar në nenet 190/3 dhe 2870ç/2 të Kodit Penal?-thuhet në dokumentin e prokurorisë.

Por, sa vite burg rrezikon Lulzim Basha nëse provohen akuzat për falsifikim dhe fshehje të financimeve ?

Neni 190/3 bën fjalë për falsifikimin e formularëve ose me paraqitjen e rreme të tyre nga personi që ka për detyrë hartimin e tyre, që u drejtohet organeve shtetërore dhe dënohet me burgim nga 3 deri në 7 vjet burg.

Ndërkohë Neni 287/ç në kodin penal ka të bëjë me pastrimin e parave. Kryerja e veprimeve financiare ose transaksioneve të copëzuara për shmangien nga raportimi, sipas legjislacionit për parandalimin e pastrimit të parave dënohet nga pesë deri në 10 vite burg.

Historia e lobimeve:

Në prag të fushatës elektorale për zgjedhjet parlamentare të 25 qershorit, Partia Demokratike e udhëhequr nga Lulzim Basha lidhi dy kontrata me lobistin e saj në Uashington, ?Stonington Strategies?, për të siguruar takime të nivelit të lartë me administratën e Presidentit Donald Trump.

Me 14 nëntor 2017, kontratat u raportuan në Departamentin Amerikan të Drejtësisë nga kompania ?Stonington Strategies?.

Kjo e fundit deklaronte se kishte marrë dy pagesa nga Partia Demokratike me vlerë totale 525 mijë USD dhe një pagesë të tretë nga ?Biniatta Trade LP?, një kompani guackë e regjistruar në Skoci në vlerën e 150 mijë USD.

Ishte agjencia e lajmeve BIRN që publikoi një material, ku zbardhi fondet që PD kishte paguar për të siguruar mbështetje në administratën e lartë amerikane.

Më pas,  ishte revista investigative amerikane ?Mother Jones?, e cila publikoi një investigim të plotë për financimin me 675 mijë dollarë nga PD për kompaninë Muzin, me firmën dhe negocimin personal të Lulzim Bashës, për të siguruar mbështetje në SHBA.

Skandali u publikua edhe tek Zëri i Amerikës, New York Times, duke bërë një zhurmë të madhe në Shqipëri.

Mediave amerikane iu bashkua edhe CNA.al, e cila zbardhi denoncime, nxori dokumenta ekskluzive./ CNA.al

Dokumenti- Mbyllen hetimet/ Basha i pandehur për pastrim parash dhe falsifikim

MEGA-SKANDALI dhe dokumenti/ Lulzim Basha pagoi 950 mijë usd nga kompania Ruse offshore, prokuroria uli shifrën

Lajmet e fundit nga