web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Basha zhduk simbolet e PD-së, rikthen Republikën e re

8 Nëntor 2019, 10:27, Politikë CNA

Ne tek CNA.al kemi qënë të bindur se projekti i Lulzim Bashës për të shndërruar PD-në në një Republikë të re, është një projekt i pandalshëm dhe ekziston. Basha nuk ka bërë asnjë hap pas dhe nuk ka ndryshuar tek mendimi i tij që filloi në çadër, kur doli me një banderolë të madhe, duke thënë se ishte Republika e re tashmë, dhe jo PD-ja.

Ai e urren logon e Partisë Demokratike. Ai urren simbolet e partisë që shembi komunizmin. Ai urren gjithçka ka bërë PD-ja në 30 vite. Për të historia fillon ditën kur është bërë kryetar i partisë, i mbështetur nga Berisha.

Ai i urren demokratët, sepse i vetëm në garë, ai do të kishte humbur. Ai i urren demokratët sepse gjithmonë ka parë se ata nuk e duan, nuk e mbështesin, nuk e votojnë në bazë dhe në qendër. Nuk ia duan ata që ai zgjedh dhe prandaj Lulzim Basha do ta zhdukë logon e PD-së, simbolet e saj.

Kështu bëri në vitin 2017, kur e zhduku flamurin, simbolet dhe gjithçka kishte Partia Demokratike. Ngjyrën e saj blu, atë që përfaqëson disa dhjetëra mijë demokratë, ata pak 15 apo 16 mijë që e votuan për kryetar apo ata qindra mijë të tjerë që votojnë PD-në.

E bëri në 2017-ën. Doli në fushatë me Republikën e re pas çadrës dhe më pas filloi ta vendoste logon nëpër cepa, sat ë duket diçka.

Të njëjtën situatë Lulzim Basha ka filluar ta përsërisë dhe tani. Ai ka filluar një tur ?Shpresa për Shqipërinë?, ku kopjoi gjithçka nga nisma ?Thurje?, edhe sloganin, edhe axhendën që e filloi pikërisht nga Elbasani, në Korçë e më tej në Shkodër. Gjithçka ashtu siç e kishte bërë nisma ?Thurje?.

Por, ndërkohë që ajo është një lëvizje ende e shoqërisë civile, e pa shndërruar ende në një parti politike, Lulzim Basha është drejtues i një PD-je, i një partie politike me një histori 30-vjeçare, të cilës i zhduk logon dhe imazhin.

Me një vëzhgim të thjeshtë, duke parë të katër takimet e zhvilluara deri tani, në Elbasan, në Korçë, në Shkodër dhe në Vlorë, vihet re se mënyra e ndërtimit të imazhit të tij në sfond tregon se Lulzim Basha ka zhdukur logon e PD-së.

Me një blu e cila nuk është bluja zyrtare e PD-së. Me një slogan të vendosur në një sfond, ku një vijë e verdhë qëndron mbi blunë, jo zyrtare të PD-së. Asgjëkundi nuk shikon logon, asgjëkundi nuk shikon asnjë flamur të PD-së. Asgjëkundi nuk shikon një imazh zyrtar të PD-së. Edhe në njoftimet në rrjetet sociale, Lulzim Basha vendos thjeshtë dhe vetëm foton e tij dhe ftesën, duke zhdukur logon e Partisë Demokratike.

Fotot që po sjellim nga Shkodra, Vlora, Elbasani dhe Korça tregojnë mjaft mirë se Lulzim Basha nuk ka hequr dorë nga huqi i tij, që të zhdukë PD-në. Ai do t?i mashtrojë njerëzit duke përdorur idetë e tij për Republikë të reja, të cilat janë përtej PD-së, si sloganet e dikurshme të Ramës ?përtej së majtës dhe të djathtës?. Këtë po bën edhe Luli sot. Dhe një kopjac i shëmtuar i nismës ?Thurje?, është edhe një kopjac i shëmtuar i Edi Ramës, duke vrarë shpresën tek demokratët, tek militantët e Partisë Demokratike. Duke iu zhdukur atyre simbolet dhe përfaqësinë.

Tashmë nuk i ka ngelur gjë tjetër. Vetëm të shkojë dhe ti ndërrojë edhe emrin zyrtarisht në Gjykatë./ CNA.al

Shënim/ Lulzim Basha kopjon Edi Ramën





Lajmet e fundit nga