Qindra milionë lekë të hedhura në kosh të plehrave?/ Drejtoresha kyç gojën për tenderin korruptiv

31 Tetor 2019, 11:37, Politikë CNA

Në muajin mars, Instituti i Shëndetit Publik ka zhvilluar një tender, me një fond limit rreth 1 milion euro, për spërkatjen e plazheve në të gjithë zonën turistike të Shqipërisë.

Tenderi në fjalë, fillonte në Shkodër, në Lezhë, më tej në Durrës, zbriste në Divjakë dhe më në fund në Vlorë. Një tender që kaloi në njëmijë e një peripeci.

Në fakt ajo që ndodhi më tej, është fakti se turizmi shqiptar këtë vit kaloi mes mushkonjash dhe pati ankesa pa fund nga qytetarë dhe pushuesit sepse ISHP, (Instituti i Shëndetit Publik) zhvilloi një tender korruptiv.

Një tender ku janë përfshirë dhjetëra zyrtarë dhe askush nuk po mban përgjegjësi.

Tenderi ishte i ndarë në katër lote, dy prej të cilave u zbatuan në fund të korrikut, fillimi i gushtit. Konkretisht u bë spërkatja në Durrës dhe në Divjakë. Pra, gati në mesin apo fundin e sezonit turistik.

Por, Velipoja dhe Vlora kaluan një sezon turistik pa spërkatje. Me mushkonja dhe miza, e mbuluar nga pisllëqet dhe askush nuk reagon.

Për më tepër, ISHP u kap në korrupsion dhe këtë nuk e thonë mediat, por e thotë vetë Ministrja e Drejtësisë, Etilda Gjonaj, e cila drejton edhe Taskforcën Antikorrupsion të Qeverisë.

Në një kontroll të këtij institucioni ajo doli në përfundimin se shumë zyrtarë duhet të ishin larguar nga puna dhe se tenderi kishte pasur shumë probleme.

Pati një denoncim nga emisioni ?Stop?, disa shkrime në Gazeta Shqiptare, por gjithçka u mjaftua me kaq.

Drejtoresha vazhdoi punën e saj, me gjithë skandalin për mos spërkatjen e zonave turistike gjatë verës. me gjithë denoncimin dhe raportin e Task-Forcës së Qeverisë. Por, gjithçka ka ngecur, tek fjalët.

Ndërkohë, rreth dy javë më parë, CNA.al publikoi një tjetër detaj, ku përtej faktit se ajo çfarë ka ndodhur është skandaloze, në fakt është edhe qesharake.

Kjo pasi mësohet se spërkatja për këto dy zona, që kaluan një sezon turistik mes mushkonjash, është planifikuar të bëhet në fund të vjeshtës, fillimi i dimrit.

Pra, bëhet spërkatje kundër mushkonjave në dimër, duke çuar në kosh të plahrave miliona lekë, pasi i gjithë procesi duket i dështuar.

CNA.al tentoi të kontaktojë edhe me drejtoreshën e ISHP-së, Albana Fico.

CNA.al e telefonoi drejtoreshën në fjalë, por në telefon u përgjigj sekretarja, e cila tha se zonja Fico ishte në një takim të rëndësishëm, por do të na lajmëronin kur të kishte mundësi të përgjigjej. Ne pritëm përgjigjen dhe pasi kaluan 24 orë nga telefonata, me datë 19 tetor, CNA.al i drejtoi edhe një mesazh Zonjës Fico, por sërish nuk kemi marrë asnjë përgjigje.

Por, kush është Albana Fico.

Albana Fico, drejtoresha e ISHP-së, është motra e Delina Ficos, bashkëshortja e ministrit të Bujqësisë, Blendi Çuçi dhe ish-bashkëshortja e kryeministrit Edi Rama.

Pra, drejtoresha e ISHP-së, duke pasur pushtetin e kunatës së Çuçit dhe ish-kunatës së Ramës jo vetëm ka injoruar raportin e ministres Gjonaj, për të cilin nuk ka marrë asnjë masë, por edhe po bën luftë me mediat, që raporti të rrijë sekret.

Por, CNA.al nuk do të ndalet në betejën për të vërtetën./ CNA.al

Skandali nÃ« ISHP/ Ish-kunata e RamÃ«s dhe kunata e Ã?uÃ§it, injoron Gjonajn

Qindra milionÃ« lekÃ« tÃ« hedhura nÃ« kosh tÃ« plehrave/ Vjedhje dhe abuzime me tenderat nÃ« ISHP?

Kush Ã«shtÃ« drejtoresha e tenderit 1 milion euro, qÃ« mbrohet nga kryeministri