Connect with Us

Kush është drejtoresha e tenderit 1 milion euro, që mbrohet nga kryeministri

Politikë

Kush është drejtoresha e tenderit 1 milion euro, që mbrohet nga kryeministri

Publikuar

-

ISHP në muajin mars njoftoi një tender, me një fond limit rreth 1 milion euro, për spërkatjen e plazheve në të gjithë zonën turistike të Shqipërisë. Fillon në Shkodër, në Lezhë, më tej në Durrës, zbriste në Divjakë dhe më në fund në Vlorë. Një tender që kaloi në njëmijë e një peripeci.

Por, turizmi shqiptar këtë vit kaloi mes mushkonjash. Sidomos Velipoja dhe perla e Shqipërisë, Joni. Kaloi mes mushkonjash dhe pati ankesa pa fund nga qytetarë dhe pushuesit sepse ISHP, (Instituti i Shëndetit Publik) zhvilloi një tender korruptiv. Një tender ku janë përfshirë dhjetëra zyrtarë dhe askush nuk po mban përgjegjësi.

Tenderi ishte i ndarë në katër lote, dy prej të cilave përfunduan në korrik dhe po ashtu u zbatuan në fund të korrikut, fillimi i gushtit në Durrës dhe në Divjakë. Pra, gati në mesin apo fundin e sezonit turistik.

Por, Velipoja dhe Vlora kaluan një sezon turistik pa spërkatje. Me mushkonja dhe miza, e mbuluar nga pisllëqet dhe askush nuk reagon.

ISHP u kap në korrupsion dhe këtë nuk e thonë mediat, por e thotë vetë Ministrja e Drejtësisë, Etilda Gjonaj, e cila drejton edhe Taskforcë Antikorrupsion të Qeverisë. Në një kontroll të këtij institucioni ajo doli në përfundimin se shumë zyrtarë duhet të ishin larguar nga puna dhe se tenderi kishte pasur shumë probleme.

Por, çfarë ndodhi?

Asnjë zyrtar deri më sot nuk është larguar nga detyra. Të gjithë vazhdojnë të jenë në punë dhe më e çuditshmja është se ISHP vazhdon të zhvillojë dy lote të tjera, të mbyllë proçedurën për spërkatjen e Vlorës dhe Velipojës, sipas procedurës së tenderit të filluar në mars.

Dhe do të jenë disa qindra miliona lekë, të cilët mesa duket ISHP-ja do t’i “përdorë për spërkatje”, në nëntor apo dhjetor që nuk do t’i bëjnë efekt askujt. Që nuk kanë më asnjë vlerë.

Imagjinoni në vjeshtë në shira, në dimër, ISHP-ja do të bëjë spërkatje. Se përse dhe kujt i duhen, këtë mund ta dijë vetëm drejtoresha e ISHP-së dhe zyrtarët e korruptuar të këtij institucioni, të cilët u kapën në këtë skandal, por askush nuk po reagon.

Pati një denoncim nga emisioni “Stop”, disa shkrime në Gazeta Shqiptare, por gjithçka u mjaftua me kaq.

Drejtoresha vazhdoi punën e saj, me gjithë skandalin për mos spërkatjen e zonave turistike gjatë verës. me gjithë denoncimin dhe raportin e Task-Forcës së Qeverisë. Por, gjithçka ka ngecur, tek fjalët. Denoncimet vazhdojnë, por ashtu vazhdon punën edhe drejtoresha e ISHP-së, e cila në mënyrë abuzive së bashku me stafin e saj janë përfshirë në disa skandale, tenderi, copëtimi, ankimimet, por edhe fakti se nuk ndodhi spërkatja në zonat turistike të Shqipërisë.

LEXO EDHE:  Helmimi i 100 banorëve në Bulqizë/ Dalin përgjigjet e analizave të ujit

Por, tashmë lind pyetja. Kush është kjo drejtoreshë kaq e fuqishme, që kapet në skandale, denoncohet dhe nuk i hyn një gjemb në këmbë, por vazhdon të qëndrojë e fortë në krye të institucionit?

              Albana Fico

Ajo quhet Albana Fico. Kush nuk e njeh mjafton të bëjë një kërkim të thjeshtë. Albana Fico është motra e Delina Ficos, gruas së Blendi Çuçit, ministrit aktual të Bujqësisë. Një mburojë e saj është ministri Çuçi. Por, një tjetër mburojë është vetë kryeministri Edi Rama.

Kujtojmë këtu se zonja Fico është ish-bashkëshortja e dytë e kryeministrit tonë në detyrë, Edi Rama.

Pra, me pak fjalë ish-kunata e Edi Ramës dhe kunata aktuale e Blendi Çuçit drejton ISHP-në, institucionin ku ka ndodhur skandali. Dhe prandaj mesa duket ajo vazhdon e qetë detyrën e saj. Vazhdon të mos shqetësohet aspak për skandalin e saj apo të institucionit. Vazhdon detyrën edhe pse është kapur në shkelje të rënda ligjore. Jo nga mediat, por nga vetë një institucion i qeverisë shqiptare, Task Forca Antikorrupsion.

 Delina Fico, Blendi Çuçi

Por, Albana Fico, ish-kunata e Ramës dhe kunata aktuale e Blendi Çuçit është e sigurtë në detyrën e saj. Vazhdo të qëndrojë në krye të institucionit, e mbuluar nga shumë skandale.

Jo vetëm fakti i një milion eurove, por dhe fakti tjetër që një sezon i tërë turistik kaloi pa spërkatje. Që turizmi i Shqipërisë u mbulua nga mushkonjat. Dhe kjo jo për faj të kryeministri, as të Çuçit, por për faj të kunatës së tyre e cila drejton ISHP-në dhe strukturave në varësi të saj që janë përfshirë në skandale, shkelje dhe abuzim dhe askush nuk mban përgjegjësi dhe as nuk jep një zgjidhje përfundimtare.

Por, mesa duket do të duan ta çojnë deri në fund abuzimin me spërkatjen e zonave turistike në vjeshtë apo në dimër, e padëgjuar më parë. Dhe thjeshtë dhe vetëm duket të jetë një abuzim me qindra milionë lekë./ CNA.al

Qindra milionë lekë të hedhura në kosh të plehrave/ Vjedhje dhe abuzime me tenderat në ISHP?

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Ndihma nga BE për shuarjen e zjarreve/ Meta: Mirënjohje për solidaritetin në momente kritike

Publikuar

-

Nga

Terrori në Velipojë/ Meta apel Policisë: Po vihet në rrezik jeta dhe shëndeti i dhjetëra qytetarëve, merrni masat

Presidenti Ilir Meta ka reaguar sërish përsa i përket situatës së zjarreve që kanë përfshirë Shqipërinë.

Përmes një postimi në rrjetet sociale, Meta ka shprehur mirënjohjen për solidaritetin dhe ndihmën që kanë marrë nga BE në këto momente kritike për vendin tonë.

I shumëpritur aktivizimi i Mekanizmit të Mbrojtjes Civile nga Bashkimi Europian për Shqipërinë, në kushtet e një situate tepër të rrezikshme të përballjes me zjarret.

Mirënjohje për solidaritetin dhe ndihmën e përhershme në momente kritike! 🇦🇱🇪🇺”, shprehet presidenti Meta./ CNA.al

LEXO TE PLOTE

Politikë

I shkarkuar nga Kuvendi/ Meta hakmerret, nis turin e kthimit të ligjeve

Publikuar

-

Nga

Meta ngre shqetësimin e zbrazjes së Shqipërisë/ ‘Një fatkeqësi kombëtare! Të merren masa sa nuk është vonë’

Brenda dy ditësh, Presidenti Ilir Meta ka rikthyer dy ligje pas në Kuvend.  Dje, ktheu ligjin për të huajt dhe sot njofton se ka kthyer Ligjin për buxhetin.

Presidenti Ilir Meta ka dekretuar, kthimin në Kuvend të ligjit nr. 86/2021 “Për miratimin e aktit normativ, me fuqinë e ligjit, nr. 25, datë 22.6.2021, i Këshillit të Ministrave “Për disa ndryshime dhe shtesa në ligjin nr. 9936, datë 26.6.2008 “Për menaxhimin e sistemit buxhetor në Republikën e Shqipërisë”, të ndryshuar”, për rishqyrtim.

Sipas Metës, akti normativ miratuar me ligjin nr. 86/2021, në nenet 1 dhe 2 të tij, bien ndesh me parimet e ligjit themeltar të shtetit dhe rrezikon qëndrueshmërinë financiare të vendit.

Ky ndryshim i ligjit bazë, sipas arsyetimit të nismëtarëve, është sjellë si domosdoshmëri me qëllim adresimin e çështjes:

–  së ofrimit të fleksibilitetit të domosdoshëm të manovrimit të buxhetit të shtetit si instrument kryesor stabilizues dhe nxitës të rritjes ekonomike, si dhe

– të ofrimit të kredibilitetit të qëndrueshmërisë së financave publike.

 Por në realitet, Akti Normativ i miratuar nuk influencon në mënyrë të drejtpërdrejtë vetëm çështjet e synuara nga Qeveria. Përkundrazi, kjo vendimmarrje ka një fushë veprimi dhe ndikimi më të gjerë për arsye se:

 Së pari, nëpërmjet ndryshimeve të miratura në Aktin Normativ nuk preken vetem parimet qe lidhen me qëndrueshmërinë e borxhit, si dhe të kufirit të defiçitit buxhetor, por nuk arrihen të zbatohen të gjitha parimet e parashikuara në nenin 4/1 të Ligjit Organik te Buxhetit (LOB), pikërisht të përdorimit të të ardhurave nga privatizimi për uljen e borxhit publik, si dhe parimin e displinimit të ndryshimit të ligjeve fiskale.

 Së dyti, ndryshimet e miratuara do të sjellin rrezikun real të lartë të rritjes së mëtejshme të borxhit publik, dhe të mos respektimit të disiplinës financiare për administrimin fiskal si në drejtim të burimeve, ashtu edhe në drejtim të shpenzimeve publike.

 Duke patur në konsideratë edhe raportet zyrtare të institucioneve financiare ndërkombëtare të cilat operojnë, asistojnë dhe monitorojnë vendimmarrjet ekonomike si, FMN e Banka Botërore, lidhur me masat fiskale të ndërmarra nga Qeveria me qëllim rimëkëmbjen ekonomike dhe sociale të vendit nga pasojat e tërmetit të nëntorit të vitit 2019 dhe të Covid-19, vendi ynë kuotohet pikërisht në vendet e fundit, me një nivel shumë më të ulët të mbështetjes fiskale krahasuar me vendet e rajonit.

 Qëndrimi i Presidentit të Republikës për vendimmarrje më cilësore dhe rialokimet e fondeve me qëllim krijimin dhe përballimin e pasojave ekonomike të prodhuara nga fatkeqësitë natyrore kanë qenë të adresuara në mënyrë të përsëritur si në adresë të Qeverisë, por edhe Kuvendit.

 Lidhur me argumentin se ndryshimet e miratuara me Aktin Normativ ofrojnë  fleksibilitet të domosdoshëm të manovrimit të buxhetit të shtetit si instrument kryesor stabilizues dhe nxitës të rritjes ekonomike, në realitet, Akti Normativ nëpërmjet ndryshimeve të miratuara, sjell efektin e drejtpërdrejtë në rritjen e shpenzimeve publike kryesisht nëpërmjet rritjes së investimeve si “stimul për nxitjen ekonomike”, thuhet në njoftimin e Presidencës.

LEXO EDHE:  STOP/ Absurdi i drejtësisë! Gjykohet viktima, të lirë agresorët

LEXO EDHE:  Basha shënon “autogol”/ Zbulohet si manipuloi votimet për kreun e PD-së, shifrat e nxjerrin “zbuluar”

Kujtojmë se Kuvendi i Shqipërisë, në seancën plenare të datës 01 korrik 2021, ka miratuar ndër të tjera edhe ligjin nr. 86/2021 “Për miratimin e Aktit Normativ, me fuqinë e ligjit, nr. 25, datë 22.6.2021, i Këshillit të Ministrave “Për disa ndryshime dhe shtesa në ligjin nr. 9936, datë 26.6.2008 “Për menaxhimin e sistemit buxhetor në Republikën e Shqipërisë”, të ndryshuar”./CNA.al

LEXO TE PLOTE

Politikë

SPAK nis hetimet për shembjen e Teatrit

Publikuar

-

Nga

Meta nuk heq dorë nga Teatri/ Presidenca kërkon shtyrje e thirrje të dëshmitarëve, çfarë ndodhi sot në seancë

Prokuroria e Posaçme Kundër Korrupsionit dhe Krimit të Organizuar këtë të mërkurë ka bërë me dije se ka nisur hetimet për shembjen e Teatrit.

SPAK përmes një shkrese dërguar sekretarit për çështjet ligjore në Partinë Demokratike, Çlirim Gjatës ka konfirmuar nisjen e hetimeve, shkruan abc news.

 “Ky procedim penal është në fazën e hetimeve paraprake dhe organi i akuzës është duke kryer veprime hetimore të plota dhe të gjithë anshme. Për shkak të detyrimit ligjor të ruajtjes së sekretit hetimor, në këtë fazë të hetimeve paraprake, nuk mund t’ju informoj në lidhje me veprimet hetimore konkrete të kryera nga ana e prokurorisë së Posaçme Kundër Korrupsionit dhe Krimit të Organizuar”, thuhet në deklaratën e SPAK.

Godina e Teatrit Kombëtar u shemb të dielën në 17 maj të 2020 në orët e para të mëngjesit. Aksioni i IMT u ndihmua nga forca të shumta policie, të cilat përdorën dhe dhunën për të nxjerr protestuesit nga godina. Pas shembjes së godinës së teatrit nisën protesta dhe rezistencë nga Aleanca për Mbrojtjen e teatrit të cilat janë mbështetur dhe nga opozita./CNA.al

 

LEXO TE PLOTE