web counter
LEXO PA REKLAMA!

SHKARKO APP

App Store
Google Play

E fundit!

x

Eurodeputetja shqiptare kritikon Macron/ U pajtova me ty, por u zhgënjeva

24 Tetor 2019, 13:50, Politikë CNA

Eurodeputetja e Suedisë me origjinë shqiptare, Arba Kokalari ka kritikuar ashpër presidentin francez Emmanuel Macron.

Gjatë seancës plenare të Parlamentit Europian, Kokalari tha se është zhgënjyer nga vendimi i Macron për shtyrjen e hapjes së negociatave me Shqipërinë dhe Maqedoninë e Veriut. Sipas saj është detyrë e BE të inkurajojë vendet që po ecin përpara në rrugën e demokracisë.

”Dy vjet më parë, Macron foli për demokracinë evropiane. Unë u pajtova me këtë por sot jam e zhgënjyer për vendimin e tij për mos hapjen e negociatave.
Ne duhet t`i inkurajojmë këto shtete, që po ndërtojnë demokracinë, që të vazhdojnë të ecin në këtë rrugë sepse nëse BE nuk do jetë prezente në rajon, Kina, Rusia dhe Arabia Saudite do të hyjnë.
Ne na duhet një BE që të jetë e bashkuar si në Perëndim ashtu dhe në Lindje dhe nëse BE heziton, do të jetë Arabia Saudite, Kina, Rusia që do të ndërhyjnë në rajon. BE duhet të veprojë me shpejtësi”, deklaroi Kokalari./CNA.al





Lajmet e fundit nga