web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti-Tabaku flet për CNA/ Gjyqtarja që dënoi ish deputeten, në konflikt interesi me PD

24 Tetor 2019, 12:59, Politikë CNA

Pas dënimit për shpifje nga Gjykata, ish deputetja e PD, Jorida Tabaku ka thënë për CNA.al se pas padisë së kryeministrit Edi Rama për shpifje, ka bërë kërkesë për përjashtimin nga gjykimi i çështjes së gjyqtares Manjola Bejleri, e cila u zgjodh nga shorti për shqyrtimin e kësaj çështje.

Sipas Tabakut, gjyqtarja Bejleri ka konflikt interesi me PD.

?Nga verifikimet tona rezulton se Znj. Bejleri në vitin 2011 ka qenë kandidate për gjyqtare në Gjykatën e Lartë, e propozuar nga Presidenti i Republikës, Z. Bamir Topi.Lidhur me kandidaturen e saje, Kuvendi Shqipërisë me shumice Partine Demokratike me anë të vendimit nr. 103, datë 16.06.2011 vendosi në seancë plenare mosdhënien e pëlqimit për emërimin e Gjyqtares Manjola Bejleri si anëtare ne Gjykatën e Lartë. Në përgjigje të këtij vendimi, Znj. Bejleri u shpreh ne disa media te shkruara dhe vizie se respekton të drejtën kushtetuese dhe ligjore që kanë deputetët për të vlerësuar figurën e saj, por politika (Partia Demokratike) nuk ka të drejtë të sulmojë dhe kete veprim politika (Partia Demokratike) eshte perpjekur të denigrojë figurën e saj.
Ky qendrim i gjyqtares adresuar anetareve te Partise Demokratike te cilet se pranuan kandidaturen e Gjytares tregon qartazi mendimin dhe bindjen e saj se keta te fundit nepermjet ketij vendimi kane denigruar figuren e Gjyqtares si dhe e kane bazuar vendimin ne te dhena te paverteta?, thuhet në kërkesën e Tabakut.

Gjithashtu në kërkesën e Tabakut thuhet se vazhdimi i gjykimit nga Bejleri përbën një cënim mjaft serioz të së drejtës për një proçes të rregullt ligjor siç parashikohët nga neni 42 i Kushtetutës dhe neni 6 i Konventës Europiane për të Drejtat e Njeriut, pasi preket një nga elementët kryesorë të këtij parimi që lidhet me paanashmërinë e gjykatës.

Por mesa duket kjo kërkesë e Tabakut nuk është marrë parasysh dhe gjyqtarja Bejleri ka qenë ajo që ka marrë vendimin për dënim me një gjobë prej 300.000 lekësh për Tabakun.

Ish deputetja demokrate ka vënë dispozicion të CNA.al kërkesën për heqjen e gjytares./CNA.al





Lajmet e fundit nga