web counter
LEXO PA REKLAMA!

SHKARKO APP

App Store
Google Play

Zgjedhjet në Kosovë/ Voton ministri Cakaj: “Fati i dy vendeve është i pandashëm”

6 Tetor 2019, 08:03, Kosova & Bota CNA

Ministri në Detyrë për Evropën dhe Punët e Jashtme, Gent Cakaj, ka votuar sot në Prishtinë në ambientet e shkollës ?Shtjefën Gjeçovi?.

Në një prononcim për mediat, Cakaj e ka cilësuar si shumë të rëndësishme këtë ditë për të gjithë qytetarët e Kosovës, ndërsa ka shpjeguar dhe arsyen e pjesëmarrjes së tij në votime.

?Une nuk jam thjesht një shtetas i Republikës së Shqipërisë dhe Republikës së Kosovës, por jam edhe një qytetar aktiv i cili beson që fati këtyre dy vendeve është i pandashem. Qoftë zgjedhjet e qershorit në Shqipëri, qoftë zgjedhjet e tetorit tani pavarësisht dallimeve të dy vendeve kanë diçka të përbashkët, janë shprehje e vullnetit të përgjithshëm politik?, është shprehur Cakaj.

I pyetur si e pret një reagim të Beogradit për votimin e tij edhe në Tiranë edhe në Prishtinë Cakaj shprehet se voton në bazë të bindjeve të tij dhe në përputhje me interesat e vendit të tij Kosovë dhe Shqipëri, nuk ka shqetësim për reagimet e Beogradit.

Ka ndodhur shpesh që politikanët kosovarë të votojnë në Shqipëri, mirëpo, kjo është hera e parë që një zyrtar i lartë i qeverisë shqiptare të votojë në Kosovë./CNA.al





Lajmet e fundit nga