web counter
LEXO PA REKLAMA!

SHKARKO APP

App Store
Google Play

Lleshaj takon homologun maqedonas/ Bashkëpunim në fushën e luftës kundër krimit

30 Gusht 2019, 10:51, Politikë CNA

Ministri i Brendshëm, Sandër Lleshaj ka zhvilluar një takim në Pustec, me homologun e Maqedonisë së Veriut, Oliver Spasovki.

Në një prononcim për mediat pas këtij takimi, Lleshaj është shprehur se është dikutuar rreth bashkëpunimit shumë të mirë dypalësh në fushën e sigurisë dhe rendit publik dhe me theks të veçantë bashkëpunimin në fushën e menaxhimit të kufirit të përbashkët.

?Kemi diskutuar dhe kemi rënë dakord për të vijuar më tej procesin e lehtësimit të lëvizjes së lirë të qytetarëve në pikat tona kufitare, me objektin që në një kohë shumë të shpejtë, të kalojmë në modelin ?One stop shop? në pikën e Qafë Thanës dhe me objektivin për t?u thelluar më tej edhe në pikat e tjera kufitare me qëllim që standardin ?One stop shop? ta kemi në të gjitha pikat e përbashkëta të kalimit kufitar, midis Maqedonisë së Veriut dhe Shqipërisë.?-tha Lleshaj.

Më tej, ministri theksoi se është diskutuar edhe në lidhje me çështje të tjera që kanë të bëjnë me bashkëpunimin operacional policor në fushën e luftës kundër krimit.

?Kemi diskutuar për rakordimin e përpjekjeve në drejtim të integrimit europian të të dy vendeve tona. Dhe po ashtu kemi diskutuar rreth intensifikimit të përpjekjeve të përbashkëta të të dy qeverive për ta mbështetur edhe bashkinë e Pustecit, e cila përfaqëson dhe një bashki ?urë? midis Shqipërisë dhe Maqedonisë. Dhe pikërisht për këtë arsye ne do të angazhohemi seriozisht, edhe si ministra të Brendshëm, por edhe si qeveri, në mënyrë që në bashkinë e Pustecit të thellojmë bashkëpunimin, të intensifikojmë investimet në mënyrë që kjo të shndërrohet në një model shumë të mirë ndërkufitar, pra të një bashkie e cila lidh të dy vendet tona, pse jo, të tre vendet, sepse është një bashki që në fakt lidh tre vende, Shqipërinë, Maqedoninë e Veriut dhe Greqinë.?-tha Lleshaj.





Lajmet e fundit nga