Aksioni anti-informalitet/ Nën hetime nënkryetari i bashkisë Sarandë dhe 6 bizesmenë

5 Gusht 2019, 08:53, Kronika CNA

6 pronarë subjektesh, 5 në Qarkun Vlorë dhe një në Divjakë, janë proceduar penalisht,pas operacionit të policisë ?Plazh i Lirë? për lirimin e hapsirave publike. Burime bëjnë me dije se 5 nga pronarët identiteti i të cilëve nuk bëhet i ditur, janë proceduar në gjendje të lirë për veprën penale ?Fshehja e të ardhurave? ndërkohë njëri prej tyre për ?Zënia e hapësirave publike?.

Mesohet se me operacionin e fundit të policisë, janë liruar dhe ka kthyer në dispozicion të pushuesve 10 000 m2 plazh të zaptuar në mënyrë të paligjshme në Ksamil, ndërkohë aksioni është shtrirë edhe në Ksamil, Himarë, Vlorë e Divjakë. Për marrjen e masave kundër informalitetit, evazionit fiskal në turizëm, ndërtim, hidrokarbure, policitë vendore kanë proceduar të mbështetura nga FNSH dhe Drejtoria e Hetimit të Krimit Ekonomik e Financiar në Departamentin e Policisë Kriminale në Policinë e Shtetit.

Sipas njoftimit të policisë është procedohet penalisht edhe n/kryetari i Bashkisë së Sarandës shtetasi TH.M., sepse në kundërshtim me ligjin ?Për vetëqeverisjen vendore? nuk ka ekzekutuar vendimin administrativ të kryetarit të Bashkisë Sarandë për lirimin e një sipërfaqeje plazhi publik prej 600 m2 në Ksamil i cili shfrytëzohej pa lejen e bashkisë nga shtetasi F. P., hapësirë që është liruar gjatë operacionit të policisë tre ditë më parë.

Gjatë operacionit në Ksamil, është proceduar penalisht shtetasi K. I., 35 vjeç, banues në Ksamil, pasi gjatë kontrollit të ushtruar në subjektin e tij, tek zona bregdetare e quajtur ?Pema? në Ksamil, janë bllokuar dhe sekuestruar në cilësinë e provave materiale 1185 shezlongë, 351 çadra dhe një tendë dielli për mbulimin e shezlongëve rreth 40 m e gjatë, të cilat shfrytëzoheshin pa kasë fiskale dhe pa lejen përkatëse nga Bashkia e Sarandës.

Në Himarë Policia gjatë kontrollit në Jal, ka proceduar penalisht shtetasit G. S., 47 vjeç, banues në Fier (administrator subjekti) dhe Z. D., 34 vjeç, banues në Himarë (administrator subjekti), pasi gjatë kontrolleve të ushtruara në subjektet ?Plazh Privat? në Jal, nën administrimin e këtyre shtetasve, Policia konstatoi se në këto subjekte nuk lëshohej kupon tatimor, kishte mungesë dokumentacioni dhe ushtronin aktivitetin pa kontratë qiraje nga Bashkia Himarë.

Operacioni ka vijuar në Vlorë ku janë proceduar penalisht shtetasit L. M., 52 vjeçe, banuese në Vlorë (administratore subjekti) dhe E. N., 38 vjeçe, banuese në Vlorë (administratore subjekti), pasi në subjektet e tyre në lagjen ?Ujë i Ftohtë? kishte mungesë dokumentacioni dhe pa kasë fiskale.

Po gjatë operacionit që ka vijuar edhe në Divjakë, Policia ka proceduar penalisht shtetasen E. A., 38 vjeçe, banuese në Divjakë, (administratore) për fshehje të të ardhurave dhe mospagim të taksave dhe tatimeve. Gjatë kontrollit të ushtruar në plazhin e Divjakës, u gjetën mangësi në dokumentacion, në subjektin sezonal që ajo ka në këtë plazh, duke mos deklaruar të ardhurat e duke mos paguar sigurimet.

Policia deklaron se operacioni do të vijojë në gjithë zonën bregdetare, për të kthyer në dispozicion të qytetarëve çdo hapësirë publike të zënë në mënyrë të kundërligjshme, me qëllim fitimin dhe për të ndëshkuar evazionin fiskal, në biznes, hidrokarbure, ndërtim etj./ CNA.al