web counter
LEXO PA REKLAMA!

SHKARKO APP

App Store
Google Play

Rekomandimet nuk u zbatuan/ OSBE vë në dyshim zgjedhjet e 30 Qershorit?

1 Korrik 2019, 14:07, Aktualitet CNA

31 kandidatë për kryetarë bashkish garuan pa kundërshtarë. Ky fakt u nënvizua fort nga shefja e misionit të OSBE/ ODIHR-it, Audrey Glover.

Ajo u pyet nga gazetarët nëse mund të quhen zgjedhje, votimet një partiake, pa alternativë.

“Pyetje interesante, por doja të them se ju takon autoriteteve se çfarë do bëhet me këtë rast, dhe do shikoni shumë ilustrime në faqen e fundit me gjërat që janë parë, por u takon autoriteteve si do vendosin me këto zgjedhje”, është shprehur ajo.

Sa i përket faktit, nëse zgjedhjet e djeshme ishin të lira dhe të ndershme, Glover është shprehur me dyshime.

Sipas saj mund të jenë të lira por jo të ndershme apo anasjelltas.

“Do i identifikojmë dhe fushat që mendojmë se ka nevojë për punë, në raportin tonë do ketë rekomandime për fushat problematike. Por siç e dini rekomandime janë bërë shumë. Kam frikë se shumica e rekomandimeve nuk janë zbatuar.  Është e qartë që votuesit duhet t’i njohin kandidatët e programet e tyre, dhe votuesit e kuptojnë kur ushtrohet presion dhe është e qartë që presion nuk duhet të ushtrohet”, ka thënë më tej ajo./CNA.al





Lajmet e fundit nga