E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

Manjani thirrje Metës/ Kërkon dekretimin e një date tjetër për zgjedhjet lokale

27 Maj 2019, 15:33, Aktualitet CNA

Ish ministri i drejtësisë në qeverinë Rama 1, Ylli Manjani, në një postim në rrjetet sociale, ka reaguar për situatën politike në vend dhe për deklaratat e presidentit Meta për shtyerjen e zgjedhjeve.

Sipas Manjanit Presidenti i Republikës ka terren të zbatojë sentencën për shtyrjen e zgjedhjeve pasi ai nuk është instanca e fundit që interpreton Kushtetutën por zbatuesi i saj.

Manjani thekson se dekreti i Presidentit nuk po zbatohet dhe për këtë arsye ai duhet të anulojë atë.

Postimi i plotë:

Pa dyshim, fillimi nga Presidenti i Republikës i një një proçesi ri-dekretimi të datës së zgjedhjeve lokale, do ishte krejt normale në këtë situatë anormale ku gjendet vendi.

Unë jam dakort me konstatimin e Tij të para dy ditëve që “…. parimet kushtetuese prevalojnë ndaj çdo formaliteti…”

Ligjërisht, do kisha preferuar që këtë pohim ta kishte bërë Gjykata Kushtetuese. Por edhe Presidenti i Republikës ka terren ta zbatojë këtë sentencë.

Në fund të fundit Ai nuk është instanca e fundit që interpreton Kushtetutën, por është zbatues i saj. Përgjatë zbatimit bën pa dyshim edhe interpretuesin e saj në shkallë të parë.

Pra, asnjë problem Kushtetues, nga ana formale, nuk do të gjeja nëse Presidenti, nisur nga fakti që dekreti i Tij për zgjedhjet lokale nuk po zbatohet,të rifillonte proçesin e ri dekretimit të një date tjetër zgjedhore.

Se të themi të vërtetën dekreti përcakton datën e zgjedhjeve dhe jo datën e votimit. Që këtu dekreti ka rënë. Të mos hyjmë pastaj tek veprimtaria gjysmake e KQZ dhe tek mosregjistrimi i opozitës në zgjedhje.

Këto janë arësye të forta për të detyruar Kryetarin e Shtetit të ri-konsiderojë anulimin e një dekreti që nuk zbatohet.

Pa dyshim që ky proçes ri dekretimo nuk mund të jetë vetëm juridik. Në radhë të parë ai është një proçes politik, por edhe Kushtetues.

Parimet e shtetit demokratik dhe të sundimit të ligjit janë cënuar rëndë. Kushtetuta nuk mund të katandiset si afat procedurial, siç na fton Kryeministri.

Pasi shkel rëndë trupin e shpirtin e saj, asnjë kuptim nuk kanë afatet…

Ndaj ridekretimi i datës së zgjedhjeve lokale mbetet e vetmja zgjidhje.

Pa dyshim, jo të gjithë janë dakort me këtë zgjidhje in-extremis, por ska tjetër.

Aq më tepër kur vendi është pa Gjykatë Kushtetuese.

Precedent për këtë rast ka. Është ridekretimi i zgjedhjeve të 2007 dhe të 2017.

Ndaj, Presidenti duhet ta ri marrë këtë precedent./CNA.al