Petrit Fusha "vrau" Ardit Gjoklajn në bashkëpunim me Veliajn/ "Peshku i madh" drejt prangave

21 Maj 2019, 09:08, Aktualitet CNA

Komisioni i Pavaruar i Kualifikimit ka dërguar për hetime tek Krimet e Rënda, ish-kreun e Prokurorisë së Tiranës Petrit Fushën.

Për t’i shpëtuar Vettingut dhe hetimeve Fusha pak kohë më parë dha dorëheqjen nga sistemi i drejtësisë.

Ai dha dorëheqjen pa iu nënshtruar procesit të vettingut, duke u arsyetuat se ishte për arsye personale.

Por, llogaritjet nuk i kanë dalë, pavarësisht masave që ai mori.

KPK ka njoftuar sot, se ka referuar në Prokurorinë pranë Gjykatës së Shkallës së Parë për Krimet e Rënda, raportin me rezultatet përfundimtare të hetimit administrativ, për ish-prokurorin, z. Petrit Fusha, në kuadër të procesit të rivlerësimit kalimtar për gjyqtarët dhe prokurorët në Republikën e Shqipërisë.

Duket se Fusha do të ketë fatin e Llallës, me sekuestrimin e pasurisë. Ndryshe Fusha njihet si “peshku i mash” një milion dollarësh”, për shkak të pasurisë.

CNA.al, ka paralajmëruar më herët se nëse do të hetohetj pasuria e tij, atëherë Petrit Fusha do të përfundonte në burg.

Ndryshe Petrit Fusha është, i njohur në opinionin publik edhe si mbrojtësi i kryebashkiakut Erion Veliaj. Fusha dyshohet se ka mbyllur dosjen e Ardit Gjoklajt, i cili u vra në landfillin e Sharrës.

Fusha, dyshohet se mbylli dosjen e 16 vjeçarit Gjoklaj, pasi u kap në një nga restorantet e kryeqytetin me kryebashkiakun e Tiranës Erion Veliaj.

Ky i fundit është akuzuar ashpër nga shoqëria civile dhe jo vetëm, se ka “vrarë” Ardit Gjoklajn”, por Prokuroria e Tiranës në kohën që drejtohej nga Fusha e aministoi nga hetimet Veliajn.

Dhe me paturpësinë më të madhe Veliaj del në media dhe thotë se nuk e njeh Petrit Fushën, i cili hoqi Bashkinë e Tiranës nga hetimet.

Nëse Prokuroria për Krime të Rënda nuk e ka çdo gjë për show ashtu siç ka bërë deri më tani, nën hetime do të vinte edhe mikun e Fushës, Erion Veliajn.

Lidhjet mes Veliajt dhe Petrit Fushës nuk fillojnë dhe mbarojnë me vrasjen e Ardit Gjoklajt.

Më herët Partia Demokratike ka folur për lidhje të forta të dyshes Fusha-Veliaj,

Lidhjet e kompanisë ?Fusha? me Veliajn, sipas PD ?së, janë shtrirë dhe forcuar nga ish-drejtuesi i Prokurorisë së Tiranës, Petrit Fusha.

Lidhja e kryebashkiakut me prokurorin Fusha duket se, është mbajtur nëpërmjet tenderave dhënë kompanisë së kushëririt.

Partia Demokratike ka ngritur dyshime në vijimësi, ndërkohë që herë pas here ka publikuar fakte që hedhin dyshime edhe për mbyllje të tjera dosjesh korruptive nga Petrit Fusha, që mbrojti Veliajn.

?Kryeprokurori Fusha, vëllai i trafikantit ndërkombëtar të drogës, mbylli dosjen e Ardit Gjoklaj, ku Bashkia kishte përgjegjësi penale. Pas kësaj, Edi Rama dhe Erion Veliaj i dhanë Çim Fushës ndërtimin e sheshit Skënderbej dhe parkingut privat atje. Të gjithë e kanë parë në atë kohë foton, kur Veliaj drekonte me vëllain kryeprokuror të trafikantit të drogës?, thuhet në një nga komunikatat e PD-së.

Përballë këtyre akuzave si Fusha ashtu dhe Veliaj kanë heshtur, ndërsa shpresohet shumë që Prokuroria e Krimeve të Rënda, të mos zbatojë urdhrat politik të Qeverisë dhe të hetojë seriozisht Pterit Fushën por edhe Erion Veliajn./CNA.al

KPK dorëzon dosjen tek Krimet e Rënda/ Petrit Fusha nën hetime

Video-fakt/ Si gënjeu Veliaj për Petrit Fushën dhe vrasjen e Ardit Gjoklajt

“Peshku i madh” 1 milion dollarë/ Petrit Fusha i shpëtoi burgut?

Mbylli dosjen e Ardit Gjoklajt dhe mbrojti Veliajn/ Petrit Fusha akuzohet egërsisht nga PD

Vrasja e Ardit Gjoklajn/ Pyetjet dhe faktet që akuzojnë Veliajn

Mbylli dosjen e Ardit Gjoklajt/ “Arratiset peshku i madh? 1 milionë dollarësh