Aktualitet
Mbylli dosjen e Ardit Gjoklajt dhe mbrojti Veliajn/ Petrit Fusha akuzohet egërsisht nga PD

Partia Demokratike prej disa ditësh po vijon me akuzat kundër Qeverisë dhe kryebashkiakut të Tiranës Erion Veliaj, në lidhje më çështjen e Teatrit.
Nga ditë në ditë PD publikon fakte, të cilat sipas tyre vërtetojnë korrupsionin shtetërorë.
Ditën e sotme, PD është ndalur tek lidhjet e kryebashkiakut Erion Veliaj me firmën “Fusha”, së cilës do t’i jepet falas e gjithë qendra historike e Tiranës, për të shembur Teatrin Kombëtar dhe për të ndërtuar kulla biznesi.
Lidhjet e kompanisë “Fusha” me Veliajn, sipas PD –së, janë shtrirë dhe forcuar nga ish-drejtuesit i Prokurorisë së Tiranës Petrit Fusha.
Kryebashkiaku Erion Veliaj dhe prokurori Petrit Fusha, në kohën që organi i akuzës po hetonte vdekjen e Ardit Gjoklajt, u fotografuan duke drekuar së bashku në një nga restorantet e Tiranës.
CNA.al, disa kohë më parë publikoi foto ekskluzive, të drekës mes kryebashkiakut Veliaj dhe prokurorit Petrit Fusha dhe njëherësh dha alarmin për mbylljen e dosjes së Ardit Gjoklajt.
Takimi i tyre u mbajt në kohën kur prokurori Petrit Fusha ishte në krye të Prokurorisë Tiranës dhe mbylli dosjen e Erion Veliajt për Ardit Gjoklajn.
Që prej atëherë, lidhja e kryebashkiakut me prokuroein Fusha duket se, është mbajtur nëpërmjet tenderave dhënë kompanisë së kushëririt.
Partia Demokratike ka ngritur dyshime disa herë ndërkohë që vijon të publikojë fakte që hedhin dyshime edhe për mbyllje të tjera dosjesh korruptive nga Petrit Fusha, që mbrojti Veliajn.
“Kryeprokurori Fusha, vëllai i trafikantit ndërkombëtar të drogës, mbylli dosjen e Ardit Gjoklaj, ku Bashkia kishte përgjegjësi penale. Pas kësaj, Edi Rama dhe Erion Veliaj i dhanë Çim Fushës ndërtimin e sheshit Skënderbej dhe parkingut privat atje. Të gjithë e kanë parë në atë kohë foton, kur Veliaj drekonte me vëllain kryeprokuror të trafikantit të drogës”, thuhet në komunikatën e PD-së
Sipas PD-së, Petrit Fusha ka mbyllur shumë dosje të tjera qeveritare të ministrave më të korruptuar të Edi Ramës, Ilir Beqjes.
“Nga ministria e Gjiknurit kompania Fusha ka marrë vetëm këtë vit dy punë të mëdha: konçesionin e Kalivaçit dhe Bulevardin e Vlorës”, fakton PD./CNA.al
Lajme të Rekomanduara:

Skandaloze dhe tallje/ Ja çfarë shet si sondazhe Çim Peka
Sot në mbrëmje, televizioni i Çim Pekës, Syri Tv, publikoi një sondazh dhe deklaroi se ishte bërë nga një kompani serioze britanike dhe dha disa...

Analiza e shifrave dhe mandateve/ Zgjedhjet e 25 prillit i vendosin këto 3 qarqe
Zgjedhjet e 25 prillit duket sikur janë tek dera megjithëse duhet gati edhe 3 muaj. Fushata ka filluar dhe palët bëjnë llogaritë. Nga jugu në...