web counter
LEXO PA REKLAMA!

SHKARKO APP

App Store
Google Play

"Nuk do ndalem për asnjë arsye politike"/ Madonna flet për "bojkotin" ndaj Eurovizionit

14 Maj 2019, 13:24, Aktualitet CNA

Sot është nata e parë e festivalit ?Eurovizion?  ku pritet të performojnë në skenë 17 konkurrentë nga shtete të ndryshme.

Surpriza e këtij viti është që këngëtarja me famë botërore, Madonna do të performojë natën finale në Izrael. Mirëpo lajmet se aktivistët palestinezë duan të bojkotojnë festivalin ka bërë që këngëtarja të jetë edhe më e vendosur për të performuar në Izrael.

Këngëtarja është shprehur se gjithmonë do të mbrojë të drejtat e njeriut dhe shpreson të shohë një rrugë të re drejt paqes.

Në komentin e saj të parë mbi vendimin për të kënduar në event, Madonna tha se mbështet të gjitha të drejtat e njeriut.

“Asnjëherë nuk do ndaloj së kënduari për t’iu përshtatur agjendës politike të dikujt, nuk do ndalem të flas kundër shkeljeve të të drejtave të njeriut kudo që mund të ndodhet në botë,”-tha këngëtarja për Reuters.

“Zemra ime thyhet sa herë që dëgjoj për jetë të pafajshme të humbura në rajon dhe dhunën që shpesh përjetësohet për t’iu përshtatur qëllimeve politike të njerëzve që përfitojnë nga ky konflikt i lashtë. Shpresoj dhe lutem që së shpejti të shpëtojmë nga ky cikël i tmerrshëm i shkatërrimit dhe të krijojmë një rrugë të re drejt paqes”- vazhdoi më tej Madonna.

Izraeli po pret konkursin e Eurovizion pasi këngëtarja izraelite Netta Barzilai fitoi vitin e kaluar. Vendi fitues zakonisht mirëpret konkursin e vitit të ardhshëm.

Madonna pritet të performojë dy këngë në Tel Aviv, një nga albumi i saj i ardhshëm “Madame X” që do të dalë në qershor dhe një këngë të vjetër të sajën.





Lajmet e fundit nga