E fundit!

09:34 Aktualitet

Apel për kujdes nga temperaturat e larta/ Rrezik për të moshuarit dhe fëmijët

Temperaturat e larta që po përfshijnë vendin po rrisin rre...

Erion Veliaj si kapo-mafia e Shqipërisë

21 Prill 2019, 11:18, Aktualitet CNA

Në verën e vitit 2016 opinioni publik u trondit nga një ngjarje e rëndë. Një 17 vjeçar, në përpjekje për të siguruar bukën e tij të përditshme dhe në përpjekje për t’i ardhur në ndihmë familjes, humbi jetën duke punuar në kushte skllavërie midis plehrave të Sharrës.

Ardit Gjoklaj, i cili duhej të ishte në bankat e shkollës dhe jo në impiantin e përpunimit të mbeturinave në Sharrë humbi jetën në orët e para të mëngjesit të 7 gushtit 2016.

17 vjeçari, jashtë çdo kriteri ligjor ishte punësuar në impiantin e seleksionimit të mbetjeve të kompanisë ?3R? shpk në Sharrë, me shpresën se do të mblidhte paratë e nevojshme për të blerë librat e shkollës.

Për këtë ngjarje tragjike, folën familjarët, hodhën dritë gazetarët dhe u zbardh e vërteta. Pëballë tyre qëndronte nje kryebashkiak i pashpirt.

Por çfarë ndodhi? Askush nuk shkoi para drejtësisë, askush nuk mbajti përgjegjësi dhe pse vendi i punës së Arditit ishte reklamuar i sigurtë nga kryebashkiaku i Tiranës, Erion Veliaj.

Asnjëherë Bashkia e Tiranës nuk ka mbajtur përgjegjësi për kontratën abuzive me kompaninë ?3 R? dhe asnjëherë Erion Veliaj nuk kërkoi të paktën falje për vdekjen e 17-vjeçarit.

Kur Veliajt nuk i intereson e vërteta, ajo nuk ekziston. Ai del dhe gënjen si një kriminel gjak ftohtë.

Në këto rrethana, edhe pas zbardhjes së vendimit të gjykatës dhe versionit të Prokurorisë, ngjarja tragjike u pasua nga heshtja.

Mediat pranë kryebashkiakut heshtën, pasi janë shërbim të “lali Erit”, i cili i qetë, po me “duart të njollosura nga gjaku” i Arditit vijon fushatën elektorale.

Sigurisht që heshtja më e madhe vjen nga drejtësia, nga prokuroria dhe ekspertët të cilët e vranë për së dyti Ardit Gjoklajn, duke thënë se ishte vrarë jashtë dhe më pas ishte dërguar në landfillin e Sharrës.

A thua se landfilli i Sharrës është varrezë për të vrarët dhe jo pikë grumbullimi për mbeturinat.

Edhe sikur të ketë ndodhur kështu, sërish është vrasje dhe pyetja të tëra ngrihen. Si u fut një i vrarë në landfillin e Sharrës, kur Veliaj kishte deklaruar se ishte një vend i sigurtë? Kush e transportoi dhe me çfarë u transportua? A ruhet landfilli i Sharrës?

Në fakt këto janë pyetje që do të duhej të ishin shtruar nga Prokuroria jo vetëm personave, ndaj të cilëve më herët nisën hetimet, por edhe ndaj kryebashkikut të Tiranës Erion Veliaj që gjithçka e mbylli me mikun e tij PEtrit Fusha që më pas e mohoi.

Për vdekjen e 17 vjeçarit, Ardit Gjoklaj, Prokuroria çoi në gjyq dy persona përgjegjësin e turnit, Dëfrim Hakrama dhe fadromistin, Edmond Kollari, të cilët u akuzuan se kanë shkelur ligjin.

Por, hetimi për përgjegjësitë e bashkisë së Tiranës që lidhen me kontraktimin e kompanisë ?3R? dhe lejen me të cilën ajo operonte u nda më vete dhe më pas u pushua.

Kujtojmë se në kohën kur hetimet sapo kishin nisur, “Lali Eri” u fotografua në një nga restorantet e kryeqytetit me drejtuesin e Prokurorisë së Tiranës në atë kohë, Petrit Fusha.

Por, së fundmi Veliaj me pafytyrësinë më të madhe mohoi të njihte Petrit Fushën, madje-madje edhe një herë tjetër rehabilitoi veten, duke përdorur versionin e Prokurorisë, se Ardit Gjoklaj është vrarë diku tjetër dhe më pas është hedhur në Sharrë.

?Nuk kam asnjë lidhje me të, e kam takuar vetëm një herë që kishte çelebrimin dhe nuk ishte fare prokuror i kësaj çështje. Bashkia s’ishte fare e përfshirë në këtë çështje dhe siç doli nga tjetër prokuror dhe tjetër vendim gjykate ngjarja kishte ndodhur jashtë Sharrës?,tha Veliaj, në një emision televiziv.

Në një vend normal me demokraci, përgjegjësit kushdo qofshin ata, edhe në rast se ngjarja do të ishte aksidentale do të kishin dalë para drejtësisë. Por, në panik Veliaj e mohoi të gjithën duke ndezur opinionin me versionin se nuk kishte lidhje fare me këtë ngjarje.

E gjithë skema se si është heshtur vrasja tragjike e Ardit Gjoklaj, të sjell në vëmendje, skemën që përdor mafia në Siçili.

Mafia në Siçili, vret, pastaj përdor drejtësinë dhe e mbyll ngjarjen. Ku ndryshon në këtë rast Erion Veliaj nga mafia në Siçili?.

E “vrau” Ardit Gjoklajn, më pas futi drejtësinë në mes dhe ngjarja u mbyll në mënyrë skandaloze, por duke prodhuar hakmarrje dhe vëtëgjyqësi.

Me 4 shkurt 2019 fadromistit Edmond Kollarit, i cili fillimisht u akuzua për vrasjen e Ardit Gjoklajt u derdhën breshëri plumbash.

Policia tha se autori ka pasur për qëllim ekzekutimin e 43-vjeçarit. Por, sërish pati heshjtje, mafia nuk i pëlqen t’i ngacmosh plagët, sidomos kur drejtësinë e ka me vete./CNA.al

Foto Erion Veliaj- Petrit Fusha/ Gazetari i kronikës: Prokurori ka 5 dosje për kryebashkiakun

Video-fakt/ Si gënjeu Veliaj për Petrit Fushën dhe vrasjen e Ardit Gjoklajt

Foto Erion Veliaj- Petrit Fusha/ Gazetari i kronikës: Prokurori ka 5 dosje për kryebashkiakun

Mbylli dosjen e Ardit Gjoklajt dhe mbrojti Veliajn/ Petrit Fusha akuzohet egërsisht nga PD

“Duart me gjakun” e Ardit Gjoklajt/ Si tenton Veliaj të mbulojë skandalet e tij?

Nga vrasja e Ardit Gjoklajt, te kullat dhe korrupsioni/ Veliaj feston hajdutërinë

Skandali me dosjen e ?Ardit Gjoklajt?/ Prokurori deklaron ?fajtor? viktimën

Milioneri që “vrau” Ardit Gjoklajn/ Erion Veliaj, nga skandalet tek pasuria