web counter
LEXO PA REKLAMA!

SHKARKO APP

App Store
Google Play

Braçe “shkund” institucionet/ Ka ardhur koha të bëjnë detyrën

6 Prill 2019, 08:26, Aktualitet CNA

Zv.kryeministri Erion Braçe, ishte i pranishëm sot në aktivitetin për prezantimin zyrtar të Artan Lames, si drejtor të Agjencisë Shtetërore të Kadastrës, një institucion i sapokrijuar që bashkon Hipotekat dhe ALUIZNI-n.

Ai deklaroi gjatë prezantimit se objektivi i qeverisë është zgjidhja e problemeve me pronat dhe certifikimi i tyre.

Braçe tha se është bërë një punë e mirë me legalizimet por edhe një betejë që do vazhdojë.

Gjatë fjalës së tij, zv.kryeministri Braçe, i ka drejtuar një apel të fortë institucioneve kryesore në vend, që të bëjnë detyrën e tyre për të mbaruar proceset e legalizimit.

Ai tha se do ta ndjekë personalisht jo vetëm mbarëvajtjen e këtij institucioni por të gjithë koordinimin me institucionet e tjera.

Një apel të fortë Braçe i drejtoi Bashkive, ndërsa theksoi se ?Ky proces nuk do të ketë sukses nëse nuk do të ketë bashkëpunim me gjithë aktorët. Bëj një apel, besoj që duhet ta kenë në vëmendje, bashkitë kanë marrë atribute të qenësishme, edhe për legalizimin dhe certifikimin e titujve të pronësisë, janë bashkitë që duhet të cojnë procesin përpara, të jenë të interesuara që procesi të përfundojë sa më parë të jetë e mundur.?

Më tej, zv.kryeministri një apel i drejtoi edhe OSHEE-së, por edhe institucioneve të tjera përgjegjëse.

Bordet e kullimit duhet të çertifikojnë veprat e tyre në raport me tokën. OSHEE po ashtu duhet të kthejë përgjigje.

Edhe institucionet e tjera të kthejnë përgjigje për çertifikimet e tokës bujqësore dhe legalizimet.

Për qytetarët kam vetëm një apel, të paraqiten në sportelet e shërbimeve me dokumentet që ju kërkohen-tha Braçe.

Po ashtu, ai tha se ?Dua të bëj apel banorëve, kërkoni shërbim, mos paguani asgjë që nesër mund tu kthehet në të kundërt, vepër penale edhe për nëpunësit edhe për ata që mendon se mund ta blejë shërbimin mes parave, do ta luftojmë korrupsionin?./CNA.al





Lajmet e fundit nga