web counter
LEXO PA REKLAMA!

SHKARKO APP

App Store
Google Play

PD sulmon Ramën/ Zbulohet skandali në spitalin e Fierit

10 Mars 2019, 12:54, Aktualitet CNA

Ish-deputetja e Partisë Demokratike, Albana Vokshi, akuzon kryeministrin Edi Rama, se ajo që po bënë në spitalin e Fierit është vetëm një show.

Me anë të një postimi në rrjetet sociale Vokshi shkruan se ky është një rrezik i madh,  pasi nuk respektohen kushtet minimale.

?Të bësh një investim modern në shëndetësi, që i shërben qytetarëve, është gjithnjë një gjë e mirë. Por kjo që ka bërë Edi Rama në spitalin e Fierit, është një shoë i rrezikshëm, që mund të dëmtojë rëndë shëndetin e qytetarëve.

Reparti hemodinamikës në Spitalin Rajonal të Fierit, është vënë në funksionim pa respektuar kushtet minimale të sigurisë. Një pavijon me rëndësi kaq të veçantë për sëmundjet kardiovaskulare, nuk ka asnjë leje apo dikumentacion zyrtar që certifikon sigurinë e tij dhe të jetës së qytetarëve. Nuk ka as licencë nga Instituti i Fizikës Bërthamore.?,- ka shkruar Vokshi.

Më tej ish-deputetja thotë se përveç se ka rrezik, ky spital nuk ka as mjekë të specializuar dhe iu bënë thirrje mjekëve të spitalit të Fierit mos të bien pre e propagandës.

?Përveç mungesës kriminale të ketyre lejeve dhe licensave, në bazë të te cilave duhet të vihen në punë pajisjet, reparti nuk ka mjekë të specializuar dhe as staf ndihmës për këtë shërbim.

U bëj thirrje mjekëve profesionistë të Spitalit të Fierit të mos bëhen pjesë e propagandës së qeverisë, por të ngrenë zërin për të denoncuar një skandal të përmasave të tilla.

Shkelja e protokolleve të sigurisë, që mund të vërë në rrezik jetën dhe të dëmtojë shëndetin e qytetarëve, për të ushqyer propagandën e neveritshme të Edi Ramës, është krim që duhet ndëshkuar.?,- ka shkruar Vokshi./CNA.al





Lajmet e fundit nga