web counter
LEXO PA REKLAMA!

SHKARKO APP

App Store
Google Play

Zbulohet dokumenti/Firma që do ndërtojë TEC-in në Korçë morri statusin e Investitorit Stategjik

28 Shkurt 2019, 18:35, Aktualitet CNA

Kryeministri Edi Rama dhe nga ministrat asokohe në detyrë, Damian Gjiknuri, Niko Peleshi, Arben Ahmetaj si dhe nga avokatja e Shtetit Alma Hiçka me datë 14.02.2018, kanë firmosur për dhëninen e statusit të Invetitorit Strategjik firmës që ka propozuar ndërtimin e një TEC-i me gaz në qytetin e Korçës. Ky status ju jepet të gjithë bizneseve që investojnë më shumë se 30 milionë euro në një projekt.

Më herët,  CNA.al ka denoncuar shqetësimin qytetar të ditëve të fundit në qytetin e Korçës në lidhje me ndërtimin e Termocentralit elektrik me gaz i cili do të shndërrojë energjinë termike në energji elektrike me kapacitet 480.9 MW në këtë zonë.

Politika ka filluar akuzat, por i vetmi përfaqësues që i ka dalë kundër një investimi të tillë që rrezikon të ndotë më tepër ajrin në Korçë është kryetari i bashkisë së këtij qytetit Sotiraq Filo.

Mësohet se Filo ka kërkuar një studim të plotë mjedisor për ndërtimin e këtij TEC-i, dhe ka kërkuar garanci se ky TEC do të sigurojë furnizimin me ngrohje të qytetit  me kosto të ulët dhe ndotja e shkaktuar të jete më e ulët se ajo që shkaktohet nga ngrohja me dru.

Dokumenti i mëposhtëm është i Komitetit të Investimeve Strategjike, i cili i ka dhënë statusin e veçantë investitorit për ndërtimin e TEC-it. Ky i fundit ka dorëzuar projektin e plotë pranë autoritetve që lidhen me studimin e mjedisit, investimin dhe të tjera detaje.

Në qytetin e Korçës ka filluar një reagim i madh qytetar. Mësohet se një grup pre 300 intelektualësh me argumenta dhe studime konkrete e kundërshtojnë ndërtimin e këtij TEC-i i cili mund të sjellë pasoja të rënda në mjedisin e qytetit./CNA.al

Një TEC vrasës në Korçë

TEC-i në Korçë/ Fizikanti: Korrupsion dhe genocid për popullsinë e zonës





Lajmet e fundit nga