E fundit!

11:30 Aktualitet

Kultura nën drejtimin e Gonxhes/ Nënfinancimi dhe pasojat në tregun e punës

Raporti më i fundit i INSTAT për vitin 2025 zbulon një rea...

Takimi me qytetarët në Rrëshen/ Basha flet për grusht shteti

9 Shkurt 2019, 09:44, Aktualitet CNA

Kryetari i Partisë Demokratike, Lulzim Basha po zhvillon takime me qytetarët në Rrëshen, ku ju ka bërë thirrje atyre që ti bashkohen protestës së 16 shkurtit në Tiranë.

Nga Rrësheni, Lulzim Basha ka hedhur akuza të forta në drejtim të kryeministrit Rama.

?Shoh vendoosmëri për të mos e pranuar më asnjë min varfërinë, poshtërimin dhe vjedhjen. Shoh vendsomëri për tu ngritur e bashkuar , për të marrë në dorë fatin tuaj.

Arsyeja pse ekziston shteti është që t?ju shërbejë njerëzve dhe jo të vjedhë, jo të zhdukë fondet e shëndetësisë, por të ofrohet një shërbim më cilësor.?-tha Basha.

Më tej, kryedemokrati foli edhe për problemet në arsim. Basha tha se Qeveria po ndëshkon të rinjtë, duke varrosur mësimin.

?Shteti po varros arsimin dhe ndëshkon rininë me universitete që kanë cilësinë më të ulët. Rinia shqiptare, e cila është ajo që do marrë fatin e vendit në dorë, duhet të ketë arsim cilësor dhe nesër punësim. Kjo është plotësisht e mundur me programin europian të PD?-u shpreh Basha.

Po ashtu ai deklaroi se “Ky është grusht shteti, jo nga ushtarakët, por nga kriminelët. Kanë marrë shtetin peng, kanë marrë institucionet peng. Ky sistem i kalbur ka marrë peng bukën e fëmijëve tuaj, ka marrë peng paratë me të cilat do të hapen vende pune për ju dhe për rininë shqiptare, ka marrë peng të drejtat tuaja, të drejtat e pronarëve, dëmshpërblimin e të përndjekurve, ka marrë peng sistemin shëndetësor e sistemin arsimor, ka marrë peng bukën e gojës për të papunët e ata që kanë nevojë për ndihmë ekonomike, ka marrë peng Shqipërinë.”

Gjithashtu ai siguroi qytetarët se Rama do të rrëzohet dhe një qeveri tranzitore do të garantojë zgjedhje të lira e të ndershme.

?Shprehni vullnetin e lirë në Bulevardin Dëshmorët e Kombit me 16 shkurt, ti jepni fund grushtit të shtetit, ta shembim këtë sistem të kalbur dhe të ndërtojmë së bashku një shtet dhje qeverisje që ju shërben qytetarëve. Do ulim taksat. Do të bëjmë të mundur një klimë miqësore mbi biznesin.

Ju garantoj zgjedhje të parakohshme me një qeveri tranzitore që do sigurojë zgjedhje të lira. Do keni një kryeministër që do ju shtrijë dorën, që do punojë për ju dhe do zgjidhë hallet tuaja ?-tha ndër të tjera kreu i PD.