E fundit!

08:12 Politikë

“I shari shan, i mençuri mendon”/ Rama ndan mesazhin e qytetarit

Kryeministri Edi Rama ka ndarë në rrjetet sociale postimin...

Profil-homazh për Kiço Blushin,shkrimtarin dhe skenaristin e spikatur

8 Shkurt 2019, 20:27, Aktualitet CNA

Sot në mbremje u nda nga jeta shkrimtari Kiço Blushi, i gjithënjohur jo vetëm për librat tejet cilësorë të publikuar, por edhe për qënien autor i dhjetra skenarëve të filmave shqiptarë.

Ikja nga kjo jetë e Kiço Blushit ndodhi në kapërcyell të kufirit moshor të 75 viteve të ikura nga data 23 gusht 1943 e lindjes së tij në qytetin e Korçës.

Pas përfundimit të studimeve të larta për letërsi shqipe dhe ruse Blushi filloi punën si redaktor pranë Radio Televizionit shqiptar.

Në vitin 1974 kaloi si redaktor në Kinostudion “Shqipëria e Re” në sektorin e skenareve.

Skenari i tij i parë ishte ai i filmit “Çifti i lumtur?, në vitin 1975, ku shfaqet si bashkëautor. Me skenarin e shkruar në po të njejtin vit shfaqet si autor i vetëm i skenarit të filmit “Beni ecën vetë”, version kinematografik i librit shumë të suksesshëm me të njejtin titull. Ky film u vlerësua me Çmimin e Republikës së Klasit të III-të.

Kiço Blushi është autor i 14 skenarëve filmash artistikë dhe dy skenarëve filmash dokumentarë e vizatimorë.

Më 20 shkurt të vitit 1991, kur vendi sapo kishte hyrë në rrugën e ndryshimit të sistemit, Kiço Blushi thirret nga presidenti i kohës për të qenë pjesë në Këshillin Presidencial.

Nga viti 1991 deri në vitin 2006 Blushi ka qënë deputet i Kuvendit të Shqipërisë, si përfaqësues i Partisë Socialiste.

Detyra e fundit zyrtare, nga e cila Kiço Blushi u dorëhoq, ishte ajo si Kryetar i Këshillit Drejtues të Radiotelevizionit Publik Shqiptar.

Pikërisht pas kësaj ai u largua edhe nga politika aktive, për t’ju përkushtuar krijimtarisë letrare dhe publicistikës.

Kiço Blushi është shkrimtar protagonist i brezit që solli ndryshimin modernizues të letërsinë shqipe. Prozator përfaqësues, por edhe skenarist me rol të shquar në historinë e kinemasë shqiptare, si dhe publicist e polemist i spikatur.

Krahas skenarit të filmit ?Beni ecën vetë?, Blushi ka shkruar dhe skenarët e filmave me jehonë gjithëkombëtare ?Nëntori i Dytë?, ?Çifti i lumtur?, ?Koncert në vitin 36?, ?Në shtëpinë tonë? e plot të tjerë që kanë edukuar shijet estetike dhe atdhetare të brezave të tërë. /CNA.al