web counter
LEXO PA REKLAMA!

SHKARKO APP

App Store
Google Play

Arti në zi! Ndahet nga jeta legjenda e kinemasë britanike

9 Shkurt 2019, 10:40, Aktualitet CNA

Legjenda e kinemasë britanike, aktori Albert Finney është ndarë nga jeta në moshën 82-vjeçare.

Ylli i Hollivudit që ka luajtur role të paharrueshme si Ebenezer Scrooge, Winston Churchill dhe ?Daddy? Warbucks tek Annie gjatë një karriere të gjatë dhe të jashtëzakonshme, vdiq pasi vuante nga një sëmundje.

Finney, i cili mundi kancerin e veshkave në vitin 2011, e kishte kaluar muajin e shkuar në spitalin britanik për kurim të kancerit ? Royal Marsden në Londër ? para se t??i dorëzohej një infeksioni në gjoks.

Në një deklaratë të zëdhënësit të familjes thuhej: ?Ai vdiq në mënyrë paqësore pas një sëmundje të shkurtër me njerëz që ishin më pranë tij?.

Albert Finney jetoi në qytetin bregdetar të Hampshire në Emsworth dhe u martua tri herë me aktoret Jane Wenham dhe Anouk Aimee dhe me Pene Delmage në vitin 2006, me të cilën ka bashkëjetuar deri në fund të jetës së bashku me djalin e tij Simon, nga martesa e parë.

Aktori David Morrissey ishte në mesin e shumë yjeve që nderuan Finney-n në mediat sociale ku shkruante: ?Një nga të mëdhenjtë e vërtetë. Një central elektrik?, ndërsa Russell Crowe, shkruante: ?Lajme të trishtueshme! Më pëlqenin bisedat tona dhe shoqëria jote Albert?.

Aktori kishte luftuar me probleme shëndetësore në vitet e fundit, dhe i mbijetoi luftës me kancerin e veshkave në vitin 2011 ? por nuk dihet nëse sëmundja i ishte kthyer.





Lajmet e fundit nga