Shkarkimet e bujshme/ Zbulohet qëllimi i Ramës

22 Janar 2019, 13:12, Aktualitet CNA

Partia Demokratike ka reaguar pas valës së shkarkimit në rradhët drejtuese të ARRSH-së dhe në Portin e Durrësit.

Në një dalje për mediat, deputetja e PD, Dhurata Çupi e ka cilësuar këtë si një metodë të kryeministrit, Edi Rama për të mbrojtur projektin e Unazës së Madhe.

?Tenderi i Unazës së madhe u mbrojt nga Rama me shkarkimin e drejtoreve. DH Albania është kompani me lidhje të drejtëpërdrejtë me Edi Ramën. Tenderi 20 milionë euro për 1 km rrugë duhet të anulohet. Sot Rama përdori zonjën 15 milionë dollarë të doganës për të mashtruar studentët. Protesta është e vetmja rrugë për frikacakun Edi Rama.- u shpreh deputetja Dhurata Çupi.

Më tej, deputetja demokrate paralajmëroi se Rama do të përballet me protesta, deri në largimin e tij.

?Protesta dhe qëndresa është e vetmja gjuhë që njeh frikacaku Edi Rama. Dhe këtë do të marrë derisa t?ia arrijmë t?u heqim shqiptarëve nga qafa një kryeministër hajdut, arrogant, shërbëtor i krimit dhe oligarkëve.?-tha ndër të tjera Dhurata Çupi.

Deklarata e plotë e Çupit:

Fushata e shkarkimeve të drejtorëve hajdutë të Edi Ramës është treguesi i kalbëzizimit nga korrupsioni i kësaj qeverie, e cila nuk është e aftë të bëjë reforma, por do të ndërrojë hajdutët e vjetër me hajdutët e rinj.

Një qeveri që ka vullnet të luftojë korrupsionin dhe jo të ndajë me klientët e saj paratë e shqiptarëve do ta çonte sot drejt qelisë së burgut drejtorin e Rrugëve, drejtorin e OST-së, drejtorin e Portit dhe çdokënd tjetër që vjedh.

Kjo nuk ka për të ndodhur me vullnetin e Edi Ramës, sepse tenderi i Unazës së Madhe, për të cilin po shkarkohen sot drejtorët e tij, u mbrojt nga vetë Edi Rama.

Partia Demokratike ka denoncuar që në fillim me fakte se tenderi 40 milionë euro për 2 kilometra është abuziv, korruptiv dhe me fitues të paracaktuar.

Partia Demokratike ka denoncuar e para dhe solli prova se DH Albania, ishtë kompani e dyshimte me lidhje direkte me Damian Gjiknurin dhe Edi Ramën.

Shkarkimi i shërbëtorëve të oligarkëve, të cilët grabisin shqiptarët me firmën e Edi Ramës, është i pamjaftueshëm, është një përpjekje për të larë duart me vjedhjen e 40 milionë euro.

Drejtorët e shkarkuar e kanë vendin në burg! Por drejtësia është e paplotë, nëse do të vazhdojë të mos hetojë Damian Gjiknurin, Arben Ahmetajn dhe Edi Ramën për skandalin e vjedhjes tek Unaza e Re.

Tenderi i 20 milionë eurove për 1 kilometër rrugë duhet të anullohet!

Dhe, meqë jemi tek tenderat.

Sot, Edi Rama, përdori zonjën 5 milionë dollarë të doganave për të mashtruar sërish studentët. Nga anullimi i Thumanë-Kashar nuk ka asnjë qindarkë të parashikuar në buxhetin e shtetit për këtë vit.

Çdo fjali tjetër është mashtrim dhe gënjeshtër!

Protesta dhe qëndresa është e vetmja gjuhë që njeh frikacaku Edi Rama. Dhe këtë do të marrë derisa t?ia arrijmë t?u heqim shqiptarëve nga qafa një kryeministër hajdut, arrogant, shërbëtor i krimit dhe oligarkëve./ CNA.al

Shkarkohet kreu i ARRSH-së/ Ja kush e zëvëndëson

Fshesë në institucione/ Ikën edhe një tjetër drejtor

Skandali i ?DH Albania?/ Kreu i OST-së merr vendimin drastik