web counter
LEXO PA REKLAMA!

SHKARKO APP

App Store
Google Play

Flokë të elektrizuara? Ja si të shpëtoni njëherë e mirë

19 Janar 2019, 19:15, Aktualitet CNA

Një ndër problemet e përhershme në dimër është elektrizimi i flokëve, që pavarësisht provave tona për t?i mbajtur nën kontroll, situata është po e njëjtë; fijet e pabindura qëndrojnë thjesht të pabindura.

Në vijim po ju paraqesim shkurtimisht disa mënyra efektive për të shpëtuar nga flokët e elektrizuar.

1. Merrni një enë që sprucon dhe vendosni në të pak ujë, kripë dhe balsam për flokët. Tundeni shishen derisa të krijohet një përbërje homogjene. Spruconi flokët fill sapo të vini re që po fillojnë të elektrizohen.

 

2. Hidhni pak llak flokësh tek një furçë bronzeri (pasi e keni pastruar më parë) të cilën nuk e përdorni më. Masazhoni ngadalë flokët me furçë, e cila luan edhe rolin e krëhërit. Nga ana tjetër, llaku i mban fijet në pozicionin që dëshironi.

3. Në një enë, bëni bashkë në sasi të barabartë uthull molle dhe ujë të ngrohtë. Pasi të keni mbaruar së bëri dush dhe të keni pastruar flokët nga shampoja, shpëlajini në fund me përzierjen e uthullës dhe ujit.

4. Nëse gjendeni jashtë shtëpisë dhe nuk keni as furçë bronzeri, as enë me kripë e balsam dhe aq më tepër s?keni luksin të bëni dush, mjaftohuni duke lagur pak duart me ujë. Më pas prekni majat e flokëve dhe pjesët problematike.





Lajmet e fundit nga