E fundit!

07:07 Sociale

Reshje në formën e shtrëngatave/ Moti për ditën e sotme

Ditën e sotme vendi ynë do të ndikohet nga pothuajse e një...

Shënim/Rama dhe dy veglat e tij që i zgjasin pushtetin

6 Janar 2019, 17:33, Aktualitet CNA

Qeveria dhe Kryeministri duken në hall të madh pas protestave të studentëve. Por më në hall duket dhe opozita, e cila me disa lëvizje të saj jo vetëm vrau protestën e studentëve, por disa levizje të LSI dhe Monika Kryemadhit thjesht po largojnë studentët prej saj.

Nuk janë vetëm këto problemet që shqiptarët i lexojnë lehtësisht, por edhe një fakt tjetër. Qeveria mori një grusht të fortë nga protesta, por njësoj e morri dhe opozita. Rama duket i shëmbur, por poshtë ka zënë dhe Lulin me Monën. Këta mund ta rrëzonin Kryeministrin në rast se do ishin një opozitë e besueshme, por duket se vlejnë po aq pak dhe janë po aq të besueshëm sa vetë Rama.

Mjafton të shohësh masivitetin dhe mbështetjen popullore të protestës, pa futur hundët Monika dhe Luli dhe gjithcka duket qartë. E kupton sa e duan Lulin, Monën dhe Ramën bashkë.

Studentët dhe shqiptarët protestojnë kundër Edi Ramës dhe politikave të tij, por po me të njëjtin mosbesim me të njëjtat akuza sulmojnë edhe opozitën.

Lulzim Basha është një personazh i pabesueshëm jo vetëm për studentët. Ai shihet njësoj si Rama megjithë maskën e buzqeshjes së tij hipokrite dhe të neveritshme. Ai shfaqet si njëri kundër oligarkëve dhe korrupsionit, si njëri që është larg krimit, por çdo ditë dalin fakte që e bëjnë Lulzim Bashën njësoj si Ramën. Jo vetëm për këto fakte por dhe shumë të tjera si këto që po rendisim më poshtë.

Lulzim Basha shiti PD dhe kauzat opozitare në një takim me Ramën, për 16 milionë euro që familja e vjehrrit dhe kunatit të tij përfitonin nga prishja e një pallati në bregun e Jonit në Vlorë. Mjaftuan 3 orë dhe PD bashkë me opozitën Luli i lëshoi në prehrin e Ramës.

Është po i njëjti Lulzim i kapur në skandal me financime ruse nga offshore, për një foto me presidentin Trump. Ende nuk ka asgjë të qartë se kush i pagoi 500 mije euro për foton e Lulit që shkojnë sa në Rusi dhe aq tek njërëz që po arrestohen nga FBI në SHBA.

Është po i njëjti që i shiti detin Greqisë, njësoj si Rama, është i njëjti që ndan biznese e pasuri me oligarkë, që gjobat i paguajnë në bizneset e kunatit që ka trefishuar xhiron e bizneseve dhe ulur taksat që paguan.

Është i njëjti autokrat që përjashtoi elitën e PD dhe e mbushi partinë me palaço e servile qesharakë, të kapur në perversitete dhe korrupsion, është ai që shiti mandate deputetësh, është i njëjti që është kapur me presh duke vjedhur dhe ka shpëtuar me procedurë.

Është i vetmi kryetar opozite në botë që e refuzojnë me protesta dhe për ti shpëtuar turpit jeton më shumë në Hollandë sesa në Shqipëri, dhe kur është këtu më shumë fle dhe bën pazare me Edi Ramën, duke shërbyer si zjarrfikës i urrejtjes popullore ndaj tij. Luli është kryetar opozite që shtëpinë e tij e ndan me dikë tjetër me letra e ndërton shtesa pa leje.

Atë për të cilën akuzuan Ermal Mamaqin në një emision se e ka bërë në një ditë, Luli ka plot 5 vite që e bën pa ndalim.

Bashkë me Lulin është edhe Monika dhe banda e LSI-së, një grupim politik kriminal i kapur me bllok në dorë duke vjedhur.

E njejta bandë që solli Rilindjen ne pushtet, e njëjta bandë hajdutësh sa me PD aq dhe me Edin dhe Lulin.

I njëjti sekt kriminal i drejtuar nga shtangisti i Skraparit që zbriti në Tiranë me bluzë e pantallona të grisura dhe sot, pa një ditë punë, ka pasuri miliona e miliona dollarë. Pasuri këto të vjedhura nga taksat e shqiptarëve. 27 vite deputet, ministër, zv/kryeministër, kryeministër, kryetar Kuvendi, President, shqiptarët paguajnë taksa dhe këto i merr rroga hajduti i Monikës, që quhet Ilir Meta.

Rama është i urryer, por Luli dhe Mona nuk duken zgjidhja, por halli i shqiptarëve.

Prandaj dhe kauzat e Monës dhe skandalet e Lulit zvogëlojnë Ramën, ikin shpejt dhe nuk risin opozitën që fatkeqsisht ka në krye dy hajdutë me çizme në dorë që kanë bërë pazare me Kryeministrin dhe shihen si vegla të tij. Janë ata që po vrasin protestën dhe kauzat e studentëve për të shpëtuar lëkurën e tyre. /CNA.al