E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Deklarata e fortë/ Rama bashkëqeverisi me farefis e sorollop ministrash

28 Dhjetor 2018, 18:53, Aktualitet CNA

Gazetari Denis Dyrnjaja ka reaguar pas ndryshimeve të fundit të ministrave në kabinetin qeveritar, njoftuar ditën e sotme nga Asambleja Kombëtare e Partisë Socialiste. Në një postim në rrjetet sociale, Dyrnjaja shkruan se shqiptarët nuk mund të gënjehen më me ndryshime emrash dhe autokritikë.

?Shqiptarët nuk gënjehen më me ndryshime emrash dhe autokritikë! Nuk e kuptoj pse janë habitur të gjithë me Ramën. Ishte veprimi më i pritshëm madje i detyrueshëm për të treguar se ka një ndjeshmëri për pakënaqësinë popullore të qeverisjes për shkak të arrogancës së molepsur. Çështja nuk është te ndryshimet në qeveri që ishte të domosdoshme dhe imediate, por te efekti që do të sjellin ato?.-shkruan Dyrnjaja.

Më tej në postimin e tij, gazetari është shprehur se kabineti i ri i Ramës nuk është shumë premtues, ndërsa ka theksuar se reagimi i Kryeministrit me ndryshimin e kabinetit është veprim i vonuar.

?A janë ministrat e rinj zgjedhje të duhura? Këtë do ta tregojë koha ndonëse emrat nuk premtojnë shumë. Atë që kryeministri duhej të tregonte, e tregoi. Me kujdesin për të mos pranuar problemet në mënyrën e qeverisjes. Rama u kujdes të tregonte se mbetet i përgjegjshëm edhe pse ky reagim është tepër i vonuar pasi njerëzit kanë humbur besimin dhe nuk gënjehen më me fjalime autokritike por duan aksion real dhe produkte konkrete ndryshimi, në qeverisje, jo në emra?.-vijon më tej ai.

Më tej Dyrnjaja ka theksuar se që nga zgjedhjet e 2017 Rama nuk kishte bashkëqeverisur me shqiptarët, por me farefis e sorollop ministrash e drejtorësh socialistë.

?Në 2017-ën Rama iu tha shqiptarëve se duhej t’i jepnin timonin për të larguar tepsinë nga pushteti e për të qeverisur siç duhet, ose për të bashkeqeverisur me ta. Në fakt Rama sot pranoi publikisht se nuk kishte bashkeqeverisur me shqiptarët, por me farefis e sorollop ministrash e drejtoreshësh socialistë. Sot ai rikërkoi votëbesim publik përmes autokritikës vetopozitare, por kjo kartë është e djegur. Mundësia e vetme që njërëzit ta ribesojnë tashmë këtë qeveri është përulja dhe puna për të larë turpin e keqqeverisjes me fodullëk dhe arrogancë në këta 5 vjet. Ndryshe purteka elektorale do t’i fshijë socialistët nga pushteti sikurse fshiu demokratët e degraduar në pushtet në vitin 2013-të. Historia mund të përsëritet!?,- përfundoi gazetari./ CNA.al