web counter
LEXO PA REKLAMA!

SHKARKO APP

App Store
Google Play

Paketa antishpifje/ Ndërkombëtaret të ashpër me Edi Ramën

26 Dhjetor 2018, 16:41, Aktualitet CNA

Pak ditë më parë kryeministri Edi Rama propozoi paketën antishpifje, që ka si synim kontrollin dhe ndëshkimin e portaleve online.

Në lidhje me këtë paketë kanë reaguar katër organizata ndërkombëtare. Federata Europiane e Gazetarëve, Qendra Europiane për Liri të Medias dhe të Shtypit, PEN International dhe Reporterët pa Kufi. Me anë të një letre drejtuar kryeministrit Rama dhe ministres së Drejtësisë, Etilda Gjonaj ato i kanë kërkuar të tërhiqen nga kjo iniciativë me argumentin se paketa ?antishpifje? është kundër rekomandimeve të OSBE-së.

?Iniciativa juaj është kundër rekomandimeve të OSBE-së dhe shkakton shqetësime të mëdha për ne.Nëse projektligjet e propozuara miratohen nga parlamenti, ato do të dëmtojnë rëndë qarkullimin e lirë të informacionit dhe do të kenë efekt pengues për median në internet e do të kufizojnë të drejtën e qytetarëve shqiptarë për akses në informim,?-shkruhet në letër.

Më tej katër organizatat ndërkombëtare i kërkojnë kryeministrit që në hartimin e këtij ligji të përfshihen gazetarët, shoqëria civile, përfaqësuesi i OSBE-së për Lirinë e Medias, Bashkimi Europian dhe Këshilli i Europës.

?Shprehim zhgënjim të thellë se ky ligj është hartuar pas dyerve të mbyllura, pa përfshirë gazetarë dhe organizata të shoqërisë civile përgjatë procesit të hartimit. Ne ju kërkojmë ju të ndërprisni menjëherë iniciativën për të amenduar këto dy projektligje dhe të përfshini gazetarët, shoqërinë civile, përfaqësuesin e OSBE-së për Lirinë e Medias, Bashkimin Europian dhe Këshillin e Europës në çfarëdolloj iniciative që prek lirinë e shprehjes, median dhe gazetarët,?-vijon letra./CNA.al





Lajmet e fundit nga