web counter
LEXO PA REKLAMA!

SHKARKO APP

App Store
Google Play

E fundit!

x

“Të kalosh vettingun është si të kapërcesh varrin për së gjati”/ Kush është Bashkim Dedja, skeda e pasurisë

17 Dhjetor 2018, 10:18, Aktualitet CNA

Bashkim Dedja prej sot nuk është më kreu i Gjykatës Kushtetuese. Kolegji i Posaçëm i Apelimit vendosi shkarkimin e tij, teksa KPK kishte konfirmuar më herët në detyrë Dedja-n. Komisioneri  publik ankimoi vendimin e KPK në KPA. Trupi gjykues kryesohej nga Ardian Hajdari, relator i çështjes ishte  Luan Daci, ndërsa Albana Shtylla, Natasha Mulaj dhe Rezarta Schuetz ishin anëtare. Kolegji arsyetoi se subjekti ka pronësi më të madhe sesa mund ta justifikojë. Gjithashtu KPA ka gjetur pasaktësi në deklarimin e Dedjas, sa i takon një apartamenti në Golem, dhe një në Tiranë. Vetë Bashkim Dedja nuk ishte në sallë ndërsa u mor vendimi, ai përfaqësohej nga avokati Maksi Haxhia, i cili në përfundim nuk ka dashur të prononcohet për mediat.

Më 13 Korrik, KPK konfirmoi në detyrë kryetarin e Gjykatës Kushtetuese, ndërsa  Operacioni Ndërkombëtar i Monitorimit, i paraqiti Komisionerit Publik rekomandimin për të ankimuar këtë vendim në Kolegjin e Posaçëm të Apelimit. Pak ditë pas vendimit të KPK, Bashkim Dedja u shpreh: ?Të kalosh vettingun është si të kapërcesh varrin për së gjati?. Me 31 korrik, Komisioneri Publik bëri ankimimin në Kolegjin e Posaçëm të Apelimit vendimin e KPK-së, duke kërkuar shkarkimin nga detyra të gjyqtarit, pasi sipas tij nuk arrin një nivel të besueshëm në vlerësimin e pasurisë.

Bashkim Dedja ka lindur në 13 mars 1970 në Dibër dhe është diplomuar në Fakultetin e Drejtësisë së Universitetit të Tiranës në vitin 1993. Nga viti 1993-1996 ka punuar si gjyqtar në Gjykatën e Rrethit Gjyqësor Tiranë dhe më pas deri në vitin 1998 si gjyqtar në Gjykatën e Apelit Tiranë. Gjatë viteve 1998-2010 ka ushtruar detyrën e gjyqtarit në Gjykatën e Apelit Durrës. Në muajin maj të vitit 2010 Dedja u emërua anëtar i Gjykatës Kushtetuese dhe që nga muaji shtator i vitit 2012 ishte Kryetar i Gjykatës Kushtetuese.

Analiza e pasurisë është një ndër tre shtyllat e rivlerësimit për gjyqtarët, së bashku me kontrollin e figurës dhe vlerësimin e aftësive profesionale. Skeda grafike e mëposhtme paraqet ndryshimin e pasurisë së deklaruar të gjyqtarit Bashkim Dedja nga viti 2003 deri në fund të vitit 2017.

Skeda e pasurisë sipas Birn:

CNA.al më parë ka zbardhur pasurinë e Bashkim Dedjas, sipas shifrave zyrtare të deklaruara prej tij në ILDKPI, të cilën mund ta lexoni në linkun më poshtë:

Kreu i Kushtetueses nën filtrin e Vetingut/ Dedja në kushte ?të mjerueshme? financiare





Lajmet e fundit nga