web counter
LEXO PA REKLAMA!

SHKARKO APP

App Store
Google Play

Hiqen barrierat mes Kosovës dhe Serbisë/ Rama: Askush s’mund të na pengojë   

26 Nëntor 2018, 11:10, Aktualitet CNA

Kryeministri Rama në një konferencë të përbashkët për shtyp me kryeministrin e Kosovës, Ramush Haradinaj ka bërë të ditur se të dy vendet janë në rrugë të mirë drejt unifikimit ekonomik dhe jo vetëm.

Duke folur pas mbledhjes së përbashkët të qeverive, Rama tha se ishte një mbledhje me produkte konkrete.

?Ishte një mbledhje e një rëndësie të veçantë dhe në një moment të veçantë dhe më vjen shumë mirë të them se kjo është mbledhje me produkte konkrete.

Së pari, procesi i nisur për heqjen e barrierave tarifore dhe jotarifore është konkretizuar. Nuk do ketë më barriera mes Kosovës dhe Shqipërisë. 42 çertifikata dhe dokumente vetëm në fushën e shkëmbimeve tregtare do të hiqen. Do të ketë njohje të ndërsjelltë të patentave. Gjithashtu në pikat e kontrollit kufitar vlen vetëm dokumenti i njërës palë. E ardhmja kërkon që mos të ketë barriera tarifore dhe jo tarifore.?-tha Rama.

Ndërsa në lidhje me vendosjen e tarifës 100 ndaj produkteve serbe, Rama tha se ?Tarifa 100% e vendosur nga qevevria e Kosovës nuk është veprim ekonomik, por një reagim i qartë politik dhe ftesë për serbinë për të zbritur me këmbë në tokë. Rruga drejt së ardhmes nuk mund të bëhet me thikë pas shpine, sa herë Kosova do të marrë një certifikatë hyrje në një organizatë ndërkombëtare.?-deklaroi Rama.

Më tej, ai u shpreh se askush nuk do të mund të pengojë bashkimin e Kosovës dhe Serbisë.

?E duam bashkimin në ombrellën e BE-së dhe askush nuk ka për të na penguar?-u shpreh Rama./ CNA.al





Lajmet e fundit nga