E fundit!

12:59 Politikë

“Nuk duhet të jem aty”/ Berisha: Prania ime dëmton fibrën më të fuqishme të protestës

Kryetari i Partisë Demokratike, Sali Berisha, ka deklaruar...

Aksioni i policisë në Tiranë/ Në pranga tre persona, njëri në kërkim ndërkombëtar

17 Tetor 2018, 17:02, Aktualitet CNA

Policia në një aksion të zhvilluar mbrëmjen e djeshme në Tiranë, ka bërë verifikimin e 129 personave dhe 77 mjeteve. Në pranga kanë rënë tre shtetas, njëri prej tyre në kërkim ndërkombëtar.

Në njoftimin e policisë, thuhet se A.D 43 vjeç, u arrestua me qëllim ekstradimi drejt Italisë, pasi mbi të rëndonte një urdhër arresti i lëshuar nga Gjykata e Milanos, për ?shkelje të ligjit mbi drogërat?.

Ndërkohë i arrestuar tjetër B.Z, 48 vjeç banues në Tiranë, është dënuar në mungesë nga Krimet e Rënda për ?prodhim narkotikësh? dhe ?pjesëmarrje në grup kriminal?.

Në prangat e policisë ka rënë edhe K.M 23 vjeç, banues në Tiranë, për armëmbajtje pa leje.

Njoftimi i plotë

Tiranë – Kontrolle për kapjen e personave në kërkim, të atyre që qarkullojnë me armë zjarri apo që tentojnë të shpërndajnë lëndë narkotike.

Kontrollet nga Forca e Operacioneve Speciale dhe Kërkimit, Forca e Posaçme ?Shqiponja? dhe Patrullat e Përgjithshme të Komisariateve pranë D.V.P. Tiranë të kryera gjatës natës dhe ditës së sotme.

Gjatë kontrolleve arrestohet përkohësisht me qëllim ekstradimi drejt Italisë një shtetas i shpallur në kërkim ndërkombëtar, kapet një shtetas në kërkim kombëtar i dënuar me 9 vite burg nga Gjykata e Apelit për Krimet e Rënda Tiranë, si dhe arrestohet një 23 vjeçar për ?Mbajtje pa leje të armëve të ftohta?.

Janë verifikuar dhe kontrolluar 129 persona dhe 77 mjete.

Forca e Operacioneve Speciale dhe Kërkimit dhe Patrullat e Përgjithshme të Komisariateve pranë D.V.P. Tiranë në kuadër të planit të masave të hartuar për “Kontrollin e territorit, parandalimin e ngjarjeve kriminale dhe kapjen e autorëve të ndryshëm të veprave penale”, gjatë kontrolleve të ushtruara në akset rrugore të Kryeqytetit në bashkëpunim me Interpol Tirana arrestuan përkohësisht me qëllim ekstradimi drejt Italisë shtetasin e shpallur në kërkim ndërkombëtar :

– A.D, 43 vjeç, banues në Vilebashtovë, Kavajë, pasi Gjykata e Milanos ka lëshuar ndaj këtij shtetasi Urdhër Arresti Ndërkombëtar për veprat penale ?Shkelje e ligjit mbi drogërat?, parashikuar nga nenet 110 dhe 81 të Kodit Penal Italian, ku maksimumi i dënimit është 20 vite burg.

Po gjatë kontrolleve të ushtruara u kap shtetasi në kërkim :

– B.Z, 48 vjeç, banues në Tiranë, pasi Gjykata e Apelit për Krimet e Rënda Tiranë e ka dënuar me 9 vite burg, për veprat penale ?Kultivim i lëndëve narkotike?, ?Grup i strukturuar kriminal? dhe ?Kryerja e veprave penale dhe e organizatave kriminale?, të parashikuara nga nenet 284/1, 28/4 , 333/a/1 dhe 334 të Kodit Penal.

Si dhe u arrestua për ?Mbajtje pa leje të armëve të ftohta?, shtetasi :

– K.M 23 vjeç, banues në Tiranë, pasi gjatë kontrollit të ushtruar në rrugën ?Irfan Tomini?, iu gjet dhe bllokua një shufër metalike.

Kontrollet do vijojnë në gjithë Qarkun e Tiranë për parandalimin dhe goditjen e paligjshmërisë, me qëllim rritje. /CNA.al