Akuzat e forta, lidhjet me politikën dhe intervista me Artan Hoxhën/ Kush është Safet Bajri

22 Shtator 2018, 09:42, Aktualitet CNA

Pas një hetimi prej rreth 6 muajsh nga ana e Prokurorisë së Krimeve të Rënda dhe Policisë u bë i mundur shkatërrimi i grupit kriminal ?Bajri?, që solli arrestimin e 11 personave.

Grup kriminal kishte shtrirje që nga Shkodra, Tirana, e deri në Roterdam e Hollandë. Banda kriminale, në bashkëpunim me grupe të tjera, kishin shtrirë aktivitetin e tyre të trafikimit të lëndëve të forta narkotike në disa shtete europiane.

Grupit kriminal i është sekuestruar edhe pasuria, mes të cilave 1 resort-hotel në Velipojë dhe 1 lokal në Shkodër, ?Oazi? në pronësi të bandës ?Bajri?, pasi dyshohen se janë produkt i ardhur nga aktivitet kriminal. Po ashtu u sekuestruan edhe 3 automjete dhe një numër i konsiderueshëm celularësh.

Burime nga policia bëjnë të ditur se grupi në fjalë akuzohet për: “Vrasje me dashje e mbetur në tentativë”, e kryer në bashkëpunim, “Vrasje me dashje”, e kryer në bashkëpunim, “Prodhim dhe mbajtje pa leje të armëve dhe municioneve luftarake”, “Organizim i llotarive të palejuara”, “Pastrim i produkteve të veprës penale” të kryer në bashkëpunim, “Shtrëngim me anë të kanosjes ose dhunës për dhënie të pasurisë”, kryer në bashkëpunim, “Përkrahje e autorit të krimit”, ‘Moskallëzim krimi”, “Prodhim e shitje e lëndëve narkotike”, vepra penale këto të kryer në kuadër të grupit të strukturuar kriminal.?

Ky grup është i dyshuar dhe po hetohet intensivisht për disa nga ngjarjet e fundit të ndodhura në Shkodër.

Grupi “Bajri”, në bashkëpunim edhe me grupe të tjera kriminale, brenda dhe jashtë Shqipërisë, dyshohet se trafikonin lëndë të forta narkotike në shtete europiane dhe më pas paratë e përfituara nga ky aktivitet investoheshin brenda vendit.

Kujtojmë këtu se disa kohë më parë, gazetari investigative Artan Hoxha në një studio televizive ka treguar edhe fakte të tjera në lidhje me emrin e sipërpërmendur.

Artan Hoxha ka zbuluar se prona në plazhin e Velipojës, për të cilën thuhej se është në pronësi të Safet Rustem Bajrit, është në emër të një biznesmeni në fushën e ndërtimit.

Nga ana tjetër, në muajin korrik 2018, Safet Rustemi Bajri, në një interviste ekskluzive dhënë gazetarit Artan Hoxha deklaronte se pret që dosja të vijë nga Belgjika dhe të gjykohet nga drejtësia shqiptare.

Ai tregoi se si lindën problemet me drejtësinë belge, për dërgimin në Shqipëri dhe se si u përdor emri tij në luftën e brendshme politike. Gjatë kësaj interviste ai tregonte se në Belgjikë ka punuar si roje sigurie në një lokal e më pas sëbashku me pronarin dhe disa persona të tjerë është arrestuar. Sipas tij, kjo ka të bëjë me konkurencën.
Për sa i përket plazheve mohonte të kishte asnjë lloj prone. ?Nuk kam asnjë lloj prone dhe këtë mund ta verifikoni në bashki.?.
Për më tepër, në këtë intervistë Safet Bajri ka reaguar për herë të parë ka reaguar edhe në lidhje me akuzat për përfshirje në fushatën elektorale.

Sa i përket fushatës së zgjedhjeve të fundit Bajri ka deklaruar se në atë kohë ka qënë në burg në Belgjikë dhe është kthyer vetëm 10 ditë para zgjedhjeve. /CNA.al