web counter
LEXO PA REKLAMA!

SHKARKO APP

App Store
Google Play

Flet eksperti/ Ja pse nuk goditen bandat në Shqipëri dhe ku përfundojnë paratë e krimit

21 Gusht 2018, 18:47, Aktualitet CNA

Ekspert i çështjeve të sigurisë, Pëllumb Nako është shprehur në lidhje me gjendjen e rendit në vend.

Nako është është shprehur që sipas bilancit, në një vit kemi 60 milionë euro asete kriminale të sekuestruara nga organet tona kompetente.

Më tej eksperti i çështjeve të sigurisë, ka përmendur rastin e 600 kg kokainë të kapur në Durrës.

?Vlerësimi që kanë bërë specialistët në vlerën e investuar, vlerën e parave që janë harxhuar për ta marrë këtë sasi, është te 120 milionë euro. Pra kemi vetëm një grup, i cili deri tani, të paktën sipas hetimit, përbëhej nga 4 persona, që ka kryer një investim kriminal prej 120 milionë eurosh. Ndërkohë, të gjitha institucionet e shtetit tonë kanë sekuestruar një sasi që është në vlerat e 60 milionë eurove?, tha Pëllumb Nako për “Top Channel”.

Nako ka nënvizuar se kanë qenë vetë drejtuesit e lartë të institucioneve shtetërore, ata që  pohuan disa muaj më parë se në vend ekzistonin 40 grupe kriminale. Por ekpresti ngre pyetjen, se çfarë u bë me to dhe përse askush nuk i përmend më?

Për këtë gjë Nako është referuar  edhe  faqes online të Policisë së Shtetit, për të cilin thotë se dikur postohej që ishin kapur 6 apo 7 grupe kriminale.

?Tani, kjo faqe nuk e paraqet më këtë problem. Pra, duket qartë që është një dështim.  33 grupet e tjera kriminale ku janë? U reklamua për disa muaj edhe e famshmja Task Forca ?Forca e Ligjit?. U reklamua për disa muaj dhe u la përgjysmë?,- ka shtuar ai./ CNA.al

 





Lajmet e fundit nga