web counter
LEXO PA REKLAMA!

SHKARKO APP

App Store
Google Play

E fundit!

x

Binden shkencëtarët/ Në hënë ka depozita uji

21 Gusht 2018, 18:17, Aktualitet CNA

Shkencëtarët janë të bindur tashmë se në hënë ka ujë. Ata kanë dalë në këtë përfundim, pasi një instrument i inkorporuar në anijen kozmike indiane Chanrayann 1 eksploroi hënën në vitet 2008-2009.

Pamjet e filmuara nga anija kozmike tregojnë se depozitat e akullit gjenden në të dy polet e hënës dhe mendohet se janë të lashta. Këto përfundime janë publikuar në revistën shkencore PNAS.

Sipas shkencëtarëve, depozitat e akullit janë të shpërndara në mënyrë të çrregullt. Shumica e sasisë së akullit është në polin jugor të hënës, ndërsa në pjesën veriore është më i rrallë.

Ndërkohë Moon Mineralogy Mapper, sistemi i vendosur në anijen kozmike, zbuloi tre vendodhje specifike të ujit. Gjithashtu me anë të dritave infra të kuqe, ky instrument mund të bënte dallimin mes ujit në gjëndje të ngurtë dhe të lëngët.

Në artikull thuhet, se temperaturat gjatë ditës në hënë nuk ofrojnë kushte për ruajtjen e akullit, ndërsa ka zona në hije, ku temperature shkon deri në ? 157 gradë celcius.Kjo bën të mundur që depozitat e akullit të qëndrojnë në periudha shumë të gjata.

Uji i gjetur në hënë mund të përdoret nga misionet e njeriut në hënë. Gjithashtu shkencëtarët shprehen se uji duke u ndarë në oksigjen dhe hidrogjen, mund të shërbejë si karburant për raketat. /CNA.al





Lajmet e fundit nga